________________
( ८. ३४५ - ३४५)
निदानवण्णना
मातलिआदयो पन तादिसा सहाया तदापि अहेसुंयेव । तथा हि वक्खति “अपि चायं आयस्मतो चक्कनेमिसद्देन तम्हा समाधिम्हा वुट्ठितो" ति ( दी० नि० अट्ठ० २.३५२) । ओकासं नाकासि सक्कस्स आणपरिपाकं आगमेन्तो, अञ्ञसञ्च बहूनं देवानं धम्माभिसमयं उपपरिक्खमानो । सोति सक्को ।
एवन्ति वचनसम्पटिच्छने निपातोति आह “ एवं होतू "तिआदि । भद्दतवाति पन सक्कं उद्दिस्स नेसं आसि वादो ।
२२९
३४५. वल्लभो...पे०... धम्मं सुणातीति अयमत्थो गोविन्दसुत्तादीहि ( दी० नि० २.२९४) दीपेतब्बो । इमिना कतोकासेति इमिना पञ्चसिखेन कतोकासे भगवति ।
अनुचरियन्ति अनुचरणभावं, तं पनस्स अनुचरणं नाम सद्धिं गमनमेवाति आह " सहचरणं एकतो गमन" न्ति ।
सोवण्णमयन्ति सुवण्णमयं । पोक्खरन्ति वीणाय दोणिमाह । दण्डोति वीणदण्डो । वेठकाति तन्तीनं बन्धनाय चेव उप्पीळनाय च धमेतब्बा वेठका । पत्तकन्ति पोक्खरं । समपञासमुच्छना मुच्छेत्वाति यथा समपञ्ञसमुच्छना कमतो तत्थ संमुच्छनं कातुं सक्का, एवं तं सज्जेत्वाति अत्थो । “समपञ्ञसमुच्छना संमुच्छेत्वा" ति च इदं देवलोके नियतं वीणावादनविधिं सन्धाय वुत्तं । मनुस्सलोके पन एकवीसति मुच्छना । तेनेवाह वीणोपमसुत्तवण्णनायं -
" सत्त सरा तयो गामा, मुच्छना एकवीसति ।
ताना चेकूनपञ्ञस, इच्चेते सरमण्डला "ति । । (अ० नि० अट्ठ० ३.५५; सारत्थ० टी० ३.२४३)
Jain Education International
तत्थ छज्जो, उसभो, गन्धारो, मज्झिमो, पञ्चमो, धेवतो, निसादोति एते सत्त सरा । छज्जगामो, मज्झिमगामो, साधारणगामोति तयो गामा, सरसमूहाति अत्थो । मनुस्सलोके वादनविधिना एकेकस्सेव च सरस्स वसेन तयो तयो मुच्छना कत्वा एकवीसति मुच्छना । एकेकस्सेव च सरस्स सत्त सत्त तानभेदा, यतो सरस्स मन्दतरववत्थानं होति, ते एकूनपञस तानविसेसाति, तिस्सो दुवे चतस्सो, चतस्सो तिस्सो दुवे चतस्सोति द्वावीसति
229
For Private & Personal Use Only
www.jainelibrary.org
