Page Text
________________
(४.२७२-२७२)
ब्रह्मलोकूपगमनवण्णना
१८५
वापिगेहभोजनादीनि दस्सेन्ता यथारुचि कीळित्वा गमनकाले सब्बं तं विधंसेन्ता गच्छन्ति, एवमेव भगवा महासुदस्सनकाले अत्तना अनुभूतं दिब्बसम्पत्तिसदिसं अचिन्तेय्यानुभावसम्पत्तिं वित्थारतो दस्सेत्वा पुन अत्तनो देसनं आदीनवनिस्सरणदस्सनवसेन विवट्टाभिमुखं विपरिवत्तेन्तो “सब्बा सा सम्पत्ति अनिच्चताय विपरिणता विधंसिता''ति दस्सेन्तो "पस्सानन्दा"तिआदिमाह। विपरिणताति विपरिणाम सभावविगमं गता। तेनाह "पकतिविजहनेना"तिआदि। पकतीति सभावधम्मानं उदयवयपरिच्छिन्नो कक्खळफुसनादिसभावो, सो भङ्गक्खणतो पट्ठाय जहितो, परिच्चजन्तो सब्बसो नत्थेव । तेनाह "निब्बुतपदीपो विय अपञ्जत्तिकभावं गता"ति ।
एत्तावताति आदितो पट्ठाय पवत्तेन एत्तकेन देसनामग्गेन । अनेकानि वस्सकोटिसतसहस्सानियेव उब्बेधो एतिस्साति अनेकवस्सकोटिसतसहस्सुब्बेधा। अनिच्चलक्खणं आदायाति तं सम्पत्तिगतं अनिच्चलक्खणं देसनाय गहेत्वा विभावेत्वा। यथा निस्सेणिमुच्चने तादिसं सतहत्थुब्बेधं रुक्खं पकतिपुरिसेन आरोहितुं न सक्का, एवं अनिच्चताविभावनेन तस्सा, सम्पत्तिया अपेक्खानिस्सेणिमुच्चने केनचि आरोहितुं न सक्काति आह “अनिच्चलक्खणं आदाय निस्सेणिं मुञ्चन्तो विया"ति । तेनेवाति यथावुत्तकारणेनेव, आदितो सातिसयं कामेसु अस्सादं दस्सेत्वापि उपरि नेसं "पस्सानन्दा"तिआदिना आदीनवं, ओकारं, संकिलेसं, नेक्खम्मे आनिसंसञ्च विभावेत्वा देसनाय निट्ठापितत्ता। पुब्बेति अतीतकाले । वसभराजाति वसभनामको सीहळमहाराजा ।
उदकपुप्फुळादयोति आदि-सद्देन तिणग्गे उस्सावबिन्दुआदिके सङ्गण्हाति ।
महासुदस्सनस्स पनाति पन-सद्दो विसेसत्थजोतनो, तेन महासुदस्सनमहाराजा झानाभिञासमापत्तियो निब्बत्तेसि, तदग्गेन परिसुद्धे च समणभावे पतिद्वितो, यतो विधुय एव कामवितक्कादिसमणभावसंकिलेसं सुझागारं पाविसि, एवंभूतस्सापि तस्स कालं किरियतो सत्तमे दिवसे सब्बा चक्कवत्तिसम्पत्ति अन्तरहिता, न ततो परं, अहो अच्छरियमनुस्सो अनञसाधारणगुणविसेसोति इमं विसेसं दस्सेति ।
अनारुल्हन्ति “राजा किर पुब्बे गहपतिकुले निब्बत्ती''तिआदिना, (दी० नि० अट्ठ० २.२६०) “पुन थेरं आमन्तेसी''तिआदिना (दी० नि० अट्ठ० २.२७२) च
185
Jain Education International
For Private & Personal Use Only
www.jainelibrary.org
| SR No. | 009983 |
| Book Title | Mahavagga Tika |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 410 |
| Language | Prakrit, Sanskrit |
| Classification | Interfaith & Buddhism |
| File Size | 15 MB |