________________
(३.१०५-१०७)
आयुवण्णादिवड्डनकथावण्णना
सभागायिस्सन्तीति यथा अहं जीवामि दिट्ठा भो सत्ता, त्वम्पि तथा जीवसीति एवं सम्मोदनकथाय अत्तना सभागे करिस्सन्ति ।
आयुवण्णादिवड्डनकथावण्णना
१०५. आयतन्ति महन्तं । पाणातिपाता विरमेय्यामाति पाणातिपाततो ओसक्केय्याम । पाणातिपातं विरमेय्यामातिपि सज्झायन्ति, तत्थ पाणातिपातं पजहेय्यामाति अत्थो। वीसतिवस्सायुकाति मातापितरो पाणातिपाता पटिविरता, पुत्ता कस्मा वीसतिवस्सायुका अहेसुन्ति खेत्तविसुद्धिया । तेसहि मातापितरो सीलवन्तो जाता। इति सीलगब्भे वड्डितत्ता इमाय खेत्तविसुद्धिया दीघायुका अहेसुं। ये पनेत्थ कालं कत्वा तत्थेव निब्बत्ता, ते अत्तनोव सीलसम्पत्तिया दीघायुका अहेसुं।
___ अस्सामाति भवेय्याम । चत्तारीसवस्सायुकातिआदयो कोट्ठासा अदिन्नादानादीहि पटिविरतानं वसेन वेदितब्बा।
सङ्घराजउप्पत्तिवण्णना
१०६. इच्छाति महं भत्तं देथाति एवं उप्पज्जनकतण्हा। अनसनन्ति न असनं अविष्फारिकभावो कायालसियं, भत्तं भुत्तानं भत्तसम्मदपच्चया निपज्जितुकामताजनको कायदुब्बलभावोति अत्थो । जराति पाकटजरा । कुक्कुटसम्पातिकाति एकगामस्स छदनपिट्ठतो उप्पतित्वा इतरगामस्स छदनपिढे पतनसङ्घातो कुक्कुटसम्पातो। एतासु अत्थीति कुक्कुटसम्पातिका । "कुक्कुटसम्पादिका"तिपि पाठो, गामन्तरतो गामन्तरं कुक्कुटानं पदसा गमनसङ्खातो कुक्कुटसम्पादो एतासु अत्थीति अत्थो। उभयम्पेतं घननिवासतंयेव दीपेति। अवीचि मजे फुटो भविस्सतीति अवीचिमहानिरयो विय निरन्तरपूरितो भविस्सति ।
१०७. "असीतिवस्ससहस्सायुकेसु, भिक्खवे, मनुस्सेसु मेत्तेय्यो नाम भगवा लोके उप्पज्जिस्सती"ति न वड्डमानकवसेन वुत्तं । न हि बुद्धा वड्डमाने आयुम्हि निब्बत्तन्ति, हायमाने पन निब्बत्तन्ति । तस्मा यदा तं आयु वड्डित्वा असोय्यतं पत्वा पुन हायमानं असीतिवस्ससहस्सकाले ठस्सति, तदा उप्पज्जिस्सतीति अत्थो । परिहरिस्सतीति इदं पन
35
Jain Education International
For Private & Personal Use Only
www.jainelibrary.org
