________________
(३.१०.३०५-३०५)
१०. सङ्गीतिसुत्तं
१७३
“तीणि संयोजनानि - सक्कायदिट्ठि, विचिकिच्छा, सीलब्बतपरामासो । “तयो आसवा - कामासवो, भवासवो, अविज्जासवो । “तयो भवा - कामभवो, रूपभवो, अरूपभयो ।
"तिस्सो एसना - कामेसना, भवेसना, ब्रह्मचरियेसना ।
"तिस्सो विधा - सेय्योहमस्मीति विधा, सदिसोहमस्मीति विधा, हीनोहमस्मीति विधा ।
"तयो अद्धा - अतीतो अद्धा, अनागतो अद्धा, पच्चुप्पन्नो अद्धा । "तयो अन्ता - सक्कायो अन्तो, सक्कायसमुदयो अन्तो, सक्कायनिरोधो अन्तो ।
"तिस्सो वेदना - सुखा वेदना, दुक्खा वेदना, अदुक्खमसुखा वेदना।
“तिस्सो दुक्खता – दुक्खदुक्खता, सङ्खारदुक्खता, विपरिणामदुक्खता ।
"तयो रासी - मिच्छत्तनियतो रासि, सम्मत्तनियतो रासि, अनियतो रासि ।
"तयो तमा- अतीतं वा अद्धानं आरब्भ कङ्घति विचिकिच्छति नाधिमुच्चति न सम्पसीदति, अनागतं वा अद्धानं आरब्भ कजति विचिकिच्छति नाधिमुच्चति न सम्पसीदति, एतरहि वा पच्चुप्पन्नं अद्धानं आरब्भ कति विचिकिच्छति नाधिमुच्चति न सम्पसीदति ।
“तीणि तथागतस्स अरक्खेय्यानि – परिसुद्धकायसमाचारो आवुसो तथागतो, नत्थि तथागतस्स कायदुच्चरितं, यं तथागतो रक्खेय्य - ‘मा मे इदं परो अज्ञासी'ति । परिसुद्धवचीसमाचारो आवुसो, तथागतो, नत्थि तथागतस्स वचीदुच्चरितं, यं तथागतो रक्खेय्य - ‘मा मे इदं परो अज्ञासीति । परिसुद्धमनोसमाचारो, आवुसो, तथागतो, नत्थि तथागतस्स मनोदुच्चरितं यं तथागतो रक्खेय्य - ‘मा मे इदं परो अासीति ।
173
Jain Education International
For Private & Personal Use Only
www.jainelibrary.org
