________________
१६२
दीघनिकायो-३
'यत्थ यक्खा पयिरुपासन्ति, तत्थ निच्चफला रुक्खा । नाना दिजगणा युता, मयूरकोञ्चाभिरुदा । कोकिलादीहि वग्गुहि । ।
'जीवञ्जीवकसद्देत्थ, अथो ओट्ठवचित्तका । कुक्कुटका कुळीरका, वने पोक्खरसातका ।।
'सुकसाळिक सद्देत्थ, दण्डमाणवकानि च । सोभति सब्बकालं सा, कुवेरनळिनी सदा । ।
'इतो सा उत्तरा दिसा, इति नं आचिक्खती जनो । यं दिसं अभिपालेति, महाराजा यसस्सि सो । ।
' यक्खानञ्च अधिपति, कुवेरो इति नामसो । रमती नच्चगीतेहि, यक्खेहेव पुरक्खतो ।।
'पुत्तापि तस्स बहवो एकनामाति मे सुतं । असीति दस एको च, इन्दनामा महब्बला । ।
'ते चापि बुद्धं दिस्वान, बुद्धं आदिच्चबन्धुनं । दूरतो नमस्सन्ति, महन्तं वीतसारदं । ।
'नमो ते पुरिसाजञ्ञ, नमो ते पुरिसुत्तम । कुसलेन समेक्खसि, अमनुस्सापि तं वन्दन्ति । सुतं नेतं अभिण्हसो, तस्मा एवं वदेमसे ।।
'जिनं वन्दथ गोतमं, जिनं वन्दाम गोतमं । विज्जाचरणसम्पन्नं, बुद्धं वन्दाम गोतम 'न्ति ।।
२९२. “अयं खो सा, मारिस, आटानाटिया रक्खा भिक्खूनं भिक्खुनीनं
Jain Education International
162
(३.९.२९२-२९२)
For Private & Personal Use Only
www.jainelibrary.org
