________________
१७२
दीघनिकायो-१
(१.९.४२७-४२७)
भासितं सम्पज्जतीति ? “अद्धा खो, भन्ते, एवं सन्ते तेसं समणब्राह्मणानं अप्पाटिहीरकतं भासितं सम्पज्जती''ति ।
४२७. “सेय्यथापि, पोट्टपाद, पुरिसो चातुमहापथे निस्सेणिं करेय्य पासादस्स आरोहणाय | तमेनं एवं वदेय्यु - “अम्भो पुरिस, यस्स त्वं पासादस्स आरोहणाय निस्सेणिं करोसि, जानासि तं पासादं पुरथिमाय वा दिसाय दक्खिणाय वा दिसाय पच्छिमाय वा दिसाय उत्तराय वा दिसाय उच्चो वा नीचो वा मज्झिमो वा'ति ? इति पुट्ठो “नो''ति वदेय्य । तमेनं एवं वदेय्युं- “अम्भो पुरिस, यं त्वं न जानासि न पस्ससि, तस्स त्वं पासादस्स आरोहणाय निस्सेणिं करोसी"ति ? इति पुट्ठो “आमा''ति वदेय्य ।
"तं किं मञ्जसि, पोट्ठपाद, ननु एवं सन्ते तस्स पुरिसस्स अप्पाटिहीरकतं भासितं सम्पज्जती''ति ? “अद्धा खो, भन्ते, एवं सन्ते तस्स पुरिसस्स अप्पाटिहीरकतं भासितं सम्पज्जती"ति।
"एवमेव खो, पोट्ठपाद, ये ते समणब्राह्मणा एवंवादिनो एवंदिट्ठिनो - “एकन्तसुखी अत्ता होति अरोगो परं मरणा'ति । त्याहं उपसङ्कमित्वा एवं वदामि"सच्चं किर तुम्हे आयस्मन्तो एवंवादिनो एवंदिट्ठिनो- एकन्तसुखी अत्ता होति अरोगो परं मरणा''ति? ते चे मे एवं पुट्ठा “आमा''ति पटिजानन्ति । त्याहं एवं वदामि“अपि पन तुम्हे आयस्मन्तो एकन्तसुखं लोकं जानं पस्सं विहरथा''ति ? इति पुट्ठा "नो'"ति वदन्ति ।
"त्याहं एवं वदामि -- “अपि पन तुम्हे आयस्मन्तो एकं वा रत्तिं एकं वा दिवसं उपटुं वा रत्तिं उपहुं वा दिवसं एकन्तसुखि अत्तानं सञ्जानाथा"ति? इति पुट्ठा "नो"ति वदन्ति । त्याहं एवं वदामि – “अपि पन तुम्हे आयस्मन्तो जानाथ अयं मग्गो अयं पटिपदा एकन्तसुखस्स लोकस्स सच्छिकिरियाया''ति ? इति पुट्ठा “नो''ति वदन्ति ।
"त्याहं एवं वदामि- “अपि पन तुम्हे आयस्मन्तो या ता देवता एकन्तसुखं लोकं उपपन्ना' तासं देवतानं भासमानानं सदं सुणाथ, सुप्पटिपन्नात्थ, मारिसा,
172
Jain Education International
For Private & Personal Use Only
www.jainelibrary.org
