________________
३६०
प्रकीर्णरचनासन्दोहः
॥ १७. श्रीदानकुलकम् ॥
-श्रीविजयपद्मसूरिः
सुमरिय सिरिसिद्धपहुं, वंदिय गुरुणेमिसूरिगुणनियरं । सपरोवयारदक्खं, कुणेमि सिरिदाणकुलगमहं ॥१॥ कहिओ पहुणा धम्मो, चउहा दाणाइ मुक्खभेएहिं । पढमं तेसुं दाणं, भणियं जाणिज्ज तद्धेउं ॥२॥ तवसीलभावणाहिं, कल्लाणं साहगस्स णण्णेसि । दाणा दायगगाहग-णुमोयगाणं हियं तिण्हं ॥३॥ वसुदेवदेवईए, पुत्तो परिचत्तसुक्कदिव्वसुहो । कंसस्स गिहे जाओ, वुड्डिगओ गोउलम्मि तहा ॥४॥ णीलो दसधणुदेहो, गोयमगुत्तोऽद्धचक्कि कण्हो से । सोलस कुमारभावे, छप्पण्णद्दाई मंडलियं ॥५॥ अडवीसुत्तरनवसय-वरिसाई दारियाउरि रज्जं । पालित्ता कोसंबी-महाडवीए य मरिऊणं ॥६।। उप्पण्णो से निरए, तइए पहुणेमिबंधवो कण्हो । सम्मत्तगुणा पुचि, बद्धाउत्ताउ तब्भाऊ ||७|| रामक्खो बलदेवो, जिट्टो वसुदेवरोहिणीतणओ । पंचमसग्गस्स सुहं, चिच्चा जाओ सुपुण्णजुओ ।।८।। बारससयवासाऊ, अणुमरणा कण्हवासुदेवस्स । णेमिजिर्णिदुवएसं, सोच्चा वेरग्गमावण्णो ॥९॥ संपण्णो साहुत्तं, अडवीनिवसणकउग्गसुहनियमो । विहरंतो संपत्तो, पारणसमयम्मि वरसमओ ॥१०॥ रहगारस्स समीवे, सुपत्तदाणुज्जुयस्स भव्वस्स । दायगगाहगकिरियं, अणुमोएए मिओ मोया ॥११।।
