________________
निरयावलियासु [१५८नमसइ, २ एवं वयासी-" एवं खलु, देवाणुप्पिया, भूया दारिया अम्हं एगा धूया इट्ठा। एस णं, देवाणुप्पिया, संसारभउव्विग्गा भीया जाव देवाणुप्पियाणं अन्तिए मुण्डा जाव पव्वयाइ । तं एयं ण, देवाणुप्पिया, सिस्सिणिभिक्खं दलयइ। पडिच्छन्तु णं, देवाणुप्पिया, सिस्सिणिभिक्खं"। "अहासुह, देवाणुप्पिया" ॥१५८॥
तए णं सा भूया दारिया पासेणं अरहया...एवं वुत्ता समाप्णी हट्ठा उत्तरपुरस्थिमं सयमेव आभरणमल्लालंकारं उम्मुयइ, जहा देवाणन्दा, पुप्फचूलाणं अन्तिए जाव गुत्तबम्भयारिणी ॥१५९॥
तए णं सा भूया अजा अन्नया कयाइ सरीरपाओसिया जाया यावि होत्था । अभिक्खणं २ हत्थे धोवइ, पाए धोवइ, एवं सीसं धोवइ, मुहं धोवइ, थणगन्तराई धोवइ, कक्खन्तराई, धोवइ, गुज्झन्तराई धोवइ, जत्थ जत्थ वि य णं ठाणं वा सेजं वा निसीहियं वा चेएइ, तत्थ तत्थ वि य णं पुवामेव पाणएणं अभुक्खेइ, तओ पच्छा ठाणं वा सेजं वा निसीहियं वा चेएइ ।। १६०॥
तए णं ताओ पुप्फचूलाओ अजाओ भूयं अजं एवं वयासी-“अम्हे णं, देवाणुप्पिए, समणीओ निग्गन्थीओ इरियासमियाओ जाव गुत्तबम्भचारिणीओ। नो खलु कप्पइ अम्हं सरीरपाओसियाणं होत्तए। तुमं च णं, देवाणुप्पिए, सरीरपाओसिया अभिक्खणं २ हत्थे धोवसि जाव निसीहियं चपसि। तं णं तुम, देवाणुप्पिए, एयस्स ठाणस्स आलोएहि" ति। सेसं जहा सुभद्दाए, जाव पाडिएक्कं उवस्सयं उवसंपजित्ताणं विहरइ। तए णं सा भूया अजा
