________________
१२८] तइओ वग्गो देवरन्नो उवत्थाणियणं करेइ, ताहे २ बहवे दारए य दारियाओ य डिम्भए य डिम्भियाओ य विउब्वइ । २ जेणेव सक्के देविन्दे देवराया, तेणेव उवागच्छइ । २ सक्कस्स देविन्दस्स देवरन्नो दिव्वं देविट्टि दिव्वं देवजुई दिव्वं देवाणुभावं उवदंसेइ । से तेण?णं, गोयमा, एवं वुच्चइ बहुपुत्तिया देवी२॥ "बहुपुत्तियाणं, भन्ते, देवीणं केवइयं कालं ठिई पन्नत्ता ?" "गोयमा, चत्तारि पलिओवमाइं ठिई पन्नत्ता" "बहुपुत्तिया णं, भन्ते, देवी ताओ देवलोगाओ आउक्खएणं ठिइक्खएणं भवक्खएणं अणन्तरं चयं चइत्ता कहिं गच्छिहिइ, कहिं उववजिहिइ ?” “गोयमा, इहेव जम्बुद्दीवे दीवे भारहे वासे विञ्झगिरिपायमूले विभेलसंनिवेसे माहणकुलंसि दारियत्ताए पञ्चायाहिइ” ॥ १२७ ॥
तए णं तीसे दारियाए अम्मापियरो एक्कारसमे दिवसे वीइक्कन्ते जाव बारसेहिं दिवसेहिं वीइकन्तेहिं अयमेयारूवं नामधेज करेन्ति- "होउ णं अम्हं इमीसेदारियाए नामधेजं सोमा" ॥ १२८ ॥
तए णं सोमा उम्मुकवालभावा विनयपरिणयमेत्ता जोव्वणगमणुपत्ता रूवेण य जोव्वणेण य लावण्णण य उक्किट्ठा उक्किट्ठसरीरा जाव भविस्सइ।तएणं तं सोमंदारियं अम्मापियरो उम्मुक्कबालभावं विनयपरिणयमेत्तं जोव्वणगमणुप्पत्तं पडिकुविएणं सुक्केणं पडिरूवपणं नियगस्स भाइणेजस्स टुकूडस्स भारियत्ताए दलयिस्सइ । सा णं तस्स भारिया भविस्सइ इट्ठा कन्ता जाव भण्डकरण्डगसमाणा तेल्लकेला इव सुसंगोविया चेलपेडा इव सुसंपरिहिया रयणकरण्डगो
