________________
४८
निरयावलियासु
[१०९
"भन्ते" त्ति भगवं गोयमे समणं भगवं महावीरं वन्दइ नमंसइ । कूडागारसाला । “बहुपुत्तियाए णं, भन्ते, देवीए सा दिव्वा देविड्डी"...पुच्छा, “जाव अभिसमन्नागया ?" "एवं खलु, गोयमा" ॥ १०९ ॥
तेणं कालेणं २ वाणारसी नामं नयरी, अम्बसालवणे चेइए । तत्थ णं वाणारसीए नयरीए भद्दे नाम सत्थवाहे होत्था अड्डे जाव अपरिभूए । तस्स णं भद्दस्स सुभद्दा नाम भारिया सुउमाला वञ्झा अवियाउरी जाणुकोप्परमाया यावि होत्था ॥ ११०॥
तए णं तीसे सुभद्दाए सत्थवाहीए अन्नया कयाइ पुव्यरत्तावरत्तकाले कुडम्बजागरियं जागरमाणीए इमेयारूवे जाव संकप्पे समुप्पजित्था-"एवं खलु अहं भद्देणं सत्थवाहणं सद्धिं विउलाई भोगभोगाई भुञ्जमाणी विहरामि, नो चेव णं अहं दारगं वा दारियं वा पयायामि । तं धन्नाओ णं ताओ अम्मयाओ, जाच सुलद्धे णं तासिं अम्मयाणं मणुयजम्मजीवियफले, जासिं मन्ने नियकुच्छिसंभूयगाई थणदुद्धलुद्धगाई महुरसमुल्लावगाणि मम्मणप्पजम्पियाणि थणमूलकक्खदेसभागं अभिसरमाणगाणि पण्हयन्ति, पुणो य कोमलकमलोवमेहिं हत्थेहिं गिहिऊणं उच्छङ्गनिवेसियाणि दन्ति, समुल्लावए सुमहुरे पुणो पुणो मम्मणप्पभाणिए । अहं णं अधन्ना अपुण्णा अकयपुण्णा एत्तो एगमवि न पत्ता।" ओहय जाव झियाइ ॥ १११॥
तेणं कालणं सुव्वयाओ णं अजाओ इरियासमियाओ भासासमियाओ एसणासमियाओ आयाणभण्डमत्तनिक्खेवणासमियाओ उच्चारपासवणखेलजल्लसिंघाणपारिट्ठावणा
