________________
४२
निरयावलियासु [९५महेइ । २ अग्गि पाडेइ । २ अम्गि संधुक्केइ । २ समिहा कट्ठाणि पक्खिवइ । २ अग्गि उजालेइ । २
अग्गिस्स दाहिणे पासे सत्तङ्गाइं समादहे। तं जहा--सकथं वक्कलं ठाणं सेजभण्डं कमण्डलुं ।
दण्डदारुं तहप्पाणं अह ताई समादहे ॥१॥ महुणा य घएण तन्दुलेहि य आग्गि हुणइ । चलं साहेइ । २ बलिं वइस्सदेवं करेइ।२ अतिहिपूयं करेइ।२ तओ पच्छा अप्पणा आहारं आहारेइ ॥९५॥
तए णं सोमिले माणरिसी दोच्चं छट्टक्खमणपारणगंसि, तं चेव सव्वं भाणियव्वं जाव आहारं आहारेइ । नवरं इमं नाणत्तं-" दाहिणाए दिसाए जमे महाराया पत्थाणे पत्थियं अभिरक्खउ सोमिलं माणरिसिं, जाणि य तत्थ कन्दाणि य जाव अणुजाणउ" त्ति कट्ट दाहिणं दिसिं पसरइ । एवं पञ्चत्थिमेणं वरुणे महाराया जाव पञ्चत्थिमं दिसिं पसरइ। उत्तरेणं वेसमणे महाराया जाव उत्तरं दिसिं पसरइ । पुव्वदिसागमेणं चत्तारि वि दिसाओ भाणियव्वाओ जाव आहारं आहारेइ ॥९६॥
तए णं तस्स सोमिलमाहणरिसिस्स अन्नया कयाइ पुन्वरत्तावरत्तकालसमयंसि अणिञ्चजागरियं जागरमाणस्स अयमेयारूवे अज्झथिए जाव समुप्पज्जित्था-"एवं खलु अहं वाणारसीए नयरीए सोमिले नाम माणरिसी अञ्चन्तमाहणकुलप्पसूए।तरणंमए वयाई चिण्णाई जाव जूवा निक्खित्ता। तए णं मम वाणारसीए जाव पुप्फारामा य जाव रोविया । तए णं मए सुबहुँ लोह जाव घडावेत्ता जाव जेट्टपुत्तं ठवेत्ता जाव जेट्टपुत्तं आपुच्छित्ता सुबडं लोह जाव गहाय मुण्डे
