________________
निरयावलियासु
[३७जाव संजायभए तालपुडगं विसं आसगंसि पक्खिवइ । तए णं से सेणिए राया तालपुडगविसंसि आसगंसि पक्खित्ते समाणे मुहत्तन्तरेण परिणममाणंसि निप्पाणे निच्चे? जीव विप्पजढे ओइण्णे ॥३७॥
तए णं से कूणिए कुमारे जेणेव चारगसाला तेणेव उवागए २ सेणियं रायं निप्पाणं निच्चेटुं जीवविप्पजढं ओइण्णं पासइ । २ महया पिइसोएणं अप्फुण्णे समाणे परसुनियत्ते विव चम्पगवरपायवे धस त्ति धरणीयलंसि सव्वङ्गेहिं संनिवडिए । तए णं से कूणिए कुमारे मुहुत्तन्तरेण आसत्थे समाणे रोयमाणे कन्दमाणे सोयमाणे विलवमाणे एवं वयासी-" अहो णं मए अधन्नेणं अपुण्णेणं अकयपुण्णणं दुढ कयं सेणियंरायं पियं देवयं अञ्चन्तनेहाणुरागरत्तं नियलवन्धणं करन्तेणं । मममूलागं चेव णं सेणिए राया कालगए" त्ति कट्ट ईसरतलवर जाव 'संधिवालसद्धिं संपरिखुडे रोयमाणे ३ महया इड्डीसक्कारसमुदएणं सेणियस्स रन्नो नीहरणं करेइ, २ वहई लोइयाइं मयकिच्चाई करेइ । तए णं से कूणिए कुमारे एएणं महया मणोमाणसिएणं दुक्खेणं अभिभूए समाणे अन्नया कयाइ अन्तेउरपरियालसंपरिखुडे सभण्डमत्तोवगरणमायाए रायगिहाओ पडिनिक्खमइ, जेणेव चम्पा नयरी, तेणेव उवागच्छइ, तत्थ वि णं विउलभोगसमिइसमन्नागए कालेणं अप्पसोए जाए यावि होत्था॥३८॥
तए णं से कूणिए राया अन्नया कयाइ कालाईए दस कुमारे सद्दावेइ। २ रजं च जाव जणवयं च एक्कारसभाए विरिञ्चह। २ सयमेव रज्जसिरिं करेमाणे पालेमाणे विहरइ ॥३९॥
