________________
निरयावलीयासु
[१७
जाव रहमुसलं संगामं संगामेमाणे चेडएणं रन्ना एगाहच्चं कूडाहचं जीवियाओ ववरोविए समाणे कालमासे कालं किच्चा कहिं गए, कर्हि उववन्ने ?” ॥ १७ ॥
" गोयमा " इ समणे भगवं गोयमं एवं वयासी- " एवं खलु, गोयमा, काले कुमारे तिहिं दन्तिसहस्सेहिं जीवियाओ aaरोविए समाणे कालमासे कालं किच्चा चउत्थीए पङ्कप्पभाप पुढवीए हेमाभे नरगे दससागरोवमठिइएस नेरइएसु नेरइयत्ताए उववन्ने " ॥ १८ ॥
"काले णं, भन्ते, कुमारे केरिसएहिं आरम्भेहिं केरिसएहिं समारम्भेहिं केरिसएहिं आरम्भसमारम्भेहिं केरिसपाहिं संभोगेहिं केरिसएहिं भोगसंभोगेहिं केरिसेण वा असुभकडकम्मपन्भारेणं कालमासे कालं किच्चा चउत्थीए पङ्कप्पभाए पुढवीए जाव नेरइयत्ताए उववन्ने ?” “एवं खलु, गोयमा"
॥ १९ ॥
तेणं कालेणं तेणं समपणं रायगिहे नामं नयरे होत्था, रिद्धत्थिमियसमिद्धे । तत्थ णं रायगिहे नयरे सेणिए नामं राया होत्था, महया तस्स णं सेणियस्स रनो नन्दा नामं देवी होत्था, सोमाला, जाव विहरइ । तस्स णं सेणियस्स रनो नन्दा देवीए अत्तर अभय नामं कुमारे होत्था, सोमाले जाब सुरुवे, सामदानभेयदण्ड, जहा चित्तो, जाव रजधुराए चिन्तप यावि होत्था । तस्स णं सेणियस्स रन्नो चेल्लणा नामं देवी होत्था, सोमाला जाव विहरइ ॥ २० ॥
तर णं सा चेल्लणा देवी अन्नया कयाइ तंसि तारिसयंसि वासघरंसि जाव सीहं सुमिणे पासित्ताणं पडिबुद्धा, जहा पभावई, जाव सुमिणपाढगा पडिविसजिया, जाव चेल्लणा
