Agam 19 Upang 08 Niryavalika Sutra

SR No.: 009958
Original Sutra Author: N/A
Author: P L Vaidya
Publisher: P L Vaidya
Total Pages: 218
Language: Hindi, Prakrit
Classification: Book_Devnagari, Agam, Canon, agam_nirayavalika, agam_kalpavatansika, agam_pushpika, agam_pushpachulika, & agam_vrushnidasha
File Size: 29 MB

Page 118

महाबलजन्मादिवर्णनम्
[भगवतीसूत्रात्-११.११] १. तेणं कालेणं तेणं समएणं हथिणागपुरे नाम नगरे होत्था । वण्णओ । सहसम्बवणे उजाणे । वण्णओ। तत्थ णं हत्थिणागपुरे नगरे बले नाम राया होत्था । वण्णओ । तस्स णं बलस्स रन्नो पभावई नामं देवी होत्था । सुकुमाल' । वण्णओ । जाव विहरइ । तए णं सा पभावई देवी अन्नया कयाइ तंसि तारिसगंसि वासघरंसि अन्भिन्तरओ सचित्तकम्मे बाहिरओ दूमियघट्टमटे विचित्तउल्लोगचिल्लियतले मणिरयणपणासियन्धयारे बहुसमसुविभत्तदेसभाए पञ्चवण्णसरससुरभिमुक्कपुप्फपुञ्जोवयारकलिए कालगुरुपवरकुंदुरुक्कतुरुक्कधूवमघमघन्तगन्धुदुयाभिरामे सुगन्धिवरगन्धिए गन्धवट्टिभूए तंसि तारिसगंसि सयणिजंसि सालिंगणवट्टिए उभओविब्बोयणे दुहओ उन्नए मज्झे नयगम्भीरे गङ्गापुलिणवालुयउद्दालसालिसए उवचियखोमियदुगुल्लपट्टपडिच्छायणे सुविरइयरयत्ताणे रत्तंसुयसंवुए सुरम्मे आइणगरूयबूरनवणीयतूलफासे सुगन्धवरकुसुमचुण्णसयणोवयारकलिए अद्धरत्तकालसमयंसि सुत्तजागरा ओहीरमाणी