Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पाहुड- १, पाहुडपाहु-४
निवड्ढे माणा वा सूरिया चारं चरंति आहिताति वएज्जा तत्य णं को हेतूति चएज्जा ता अयण्णं जंबुद्दीवे दीवे सव्वदीयसमुद्दाणं सव्वमंतराए जाव परिक्खेवेणं पत्रत्ते ता जया णं एते दुवे सूरिया सव्वमंतरमंडलंउवसंकमित्ता चारं चरंति तया णं नवणउति जोयणसहस्साई छत चत्ताले जोयणसए अण्णमण्णस्स अंतरं कट्टु चारं चरंति आहिताति वएज्जा तया णं उत्तमकट्टपत्ते उक्कोसए अट्ठारसमुहुत्ते दिवसे भवइ जहणिया दुवालसमुहुत्ता राती भवति ते निक्खममाणा सूरिया नवं संवच्छंर अयमाणा पढमंसि अहोरत्तंसि अभितराणंतरं मंडलं उवसंकमिता चारं चरंति ता जया णं एते दुवे सूरिया अमितराणंतरं मंडल उयसंकमित्ता चारं चरंति तया णं नवणवर्ति जोयणसहस्साईं छच पणयाले जोवणसए पणवीसं च एगट्टिभागे जोवणस्स अण्णमण्णस्स अंतरं कट्टु चारं घरंति आहिताति वएज्जा तया णं अट्ठारसमुहुत्ते दिवसे भयइ दोहिं एगट्टिभागमुहुत्तेहिं ऊणे दुवालसमुहुत्ता राती भवति दोहिं एगट्टिभागमुहुत्तेहिं अहिया ते निक्खममाणा सूरिया दोघंसि अहोरत्तंसि अतिरं तच्चं मंडलं उवसंकमित्ता चारं चरंति ता जया णं एते दुवे सूरिया अभितरं तथं मंडलं उवसंकमित्ता चारं चरति तथा णं नवणवतिं जोयणसहस्साइं छच्च इक्कावण्णे जीयणसए नव य एगट्टिमागे जोयणस्स अण्णमण्णस्स अंतरं कट्ट्टु चारं चरंति आहिताति वएज्जा तया णं अट्ठारसमुहुत्ते दिवसे भवइ चउहिं एगट्टिभागमुहुत्तेहिं ऊणे दुवालसमुहुत्ता राती भवति चउहिं एगट्टिभागमुहुत्तेहिं अहिया एवं खलु एतेणुवाएणं निक्खममाणा एते दुवे सूरिया तयाणंतराओ तयाणंतरं मंडलाओ मंडलं संकममाणा - संकममाणा पंच-पंच जोयणाई पणतीसं च एगट्टिभागे जोयणस्स एगमेगे मंडले अण्णमण्णस्स अंतरं अभिवद्देमाणा-अभिवडूढेमाणा सव्वबाहिरं मंडलं उवसंकमित्ता चारं चरंति ता जया णं एते दुवे सूरिया सव्ववाहिरं मंडलं उवसंकमित्ता चारं चरंति तथा णं एगं जोयणसयसहस्सं छच्च सट्टे जोयणसए अण्णमण्णस्स अंतरं कट्टु चारं चरंति तया णं उत्तमकट्टपत्ता उक्कोसिया अट्ठारसमुहुत्ता राती भवति जहण्णए दुवालसमुहुत्ते दिवसे भवइ एस णं पढमे छम्पासे एस णं पढमस्स छम्मासस्स पजवसाणे, ते पविसमाणा सूरिया दोघं छम्मासं अयमाणा पढमंसि अहोरत्तंसि बाहिराणंतरं मंडलं उवसंकमित्ता चारं चरति ता जया णं एते दुवे सूरिया बाहिराणंतरं मंडलं उबसंकमित्ता चारं चरंति तथा णं एगं जोयणसयसहस्सं छत्र चउप्पण्णे जोयणसए छब्बीसंच एगद्विभागे जोवणस्स अण्णमण्णस्स अंतरं कट्टु चारं चरंति आहिताति वएज्जा तथा णं अड्डारसमुहुत्ता राती भवति दोहिं एगट्ठिभागमुहुत्तेहिं ऊणा दुवालसमुहुत्ते दिवसे मवइ दोहिं एगट्टिभागमुहुत्तेहिं अहिए ते पविसमाणा सूरिया दोघंसि अहोरत्तंसि बाहिरं तच्चं मंडलं उयसंकमित्ता चारं चरति ता जया णं एते दुवे सूरिया बाहिरं तचं मंडलं उवसंकमित्ता चारं चरंति तथा णं एगं जोचणसयसहस्सं छच अडयाले जोयणसए बावण्णं च एगट्ठिभागे जोयणस्स अण्णमण्णस्स अंतरं कट्टु चारं चरंति तया णं अट्ठारसमुहुत्ता राती भवति चउहिं एगट्टिभागमुहुत्तेहिं ऊणा दुवालसमुहुत्ते दिवसे भवइ चउहि एगभागमुतेहिं अहिए एवं खलु एतेणुवाएणं पविसमाणा एते दुवे सूरिया तयाणंतराओ जाव पणतीसे एगट्ठिभागे जोयणस्स एगमंगे मंडले अण्णमण्णस्स अंतर निबुड्ढेमाणा-निवुड्ढेमाणा सव्यदभंतरमंडलं उवसंकमित्ता चारं चरंति ता जया णं एते सूरिया सव्वमंतरं मंडलं उवसंकमित्ता चारं चरति तया णं नवणउति जोयणसहस्साई छच्च चत्ताले जीयणसए अण्णमण्णस्स अंतरं कट्टु चार चरंति तया णं उत्तमकट्टपत्ते उक्कोसए अट्ठारसमुहुत्ते दिवसे भवइ जहण्णिया दुदालसमुहुत्ता राती भवति एस णं दोघे छम्पासे एस णं दोच्चस्स छम्मासस्स पज्जवसाणे एस णं आदिद्ये संयच्छरे एस णं
10
For Private And Personal Use Only
| SR No. | 009742 |
| Book Title | Agam 16 Surapannatti Uvangsutt 05 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 74 |
| Language | Prakrit |
| Classification | Book_Devnagari, Agam, Canon, Agam 16, & agam_suryapragnapti |
| File Size | 2 MB |