Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पंचप टाणं • उद्देसो-२
१०५ संडे दीवे पुरस्थिपद्धे णं मंदरस्स पव्वयस्स पुरस्थिमे णं सीयाए महानदीए उत्तरे णं पंच यस्वारपब्बता पन्नत्ता तं जहा-पालवंते एवं जहा जंबुद्दीवे तहा जाव पुक्खरवरदीचड्ढे पञ्चस्थिमद्धे वक्वारपव्वया दहा य उच्चत्तं भाणियब्वं समयक्खेत्ते णं पंच भरहाई पंच एवताई एवं जहा चउठाणे वितीयरबेसे तहा एत्थवि भाणियव्वं जाव पंच मंदरा पंच मंदरचूलियाओ नवरं उसुयारा नत्थि १४३४1-434
(४७३) उसभे णं अरहा कोप्सलिए पंच धणुसताई उड्ढं उच्चत्तेणं होत्था भरहे णं राया चाउरंतचक्कवट्टी पंच धणुसताई उड्ढं उच्चत्तेणं होत्था वाहुवली णं अणगारे [पंच धणुसताई उड्ढं उच्चत्तेणं होत्था ] बंभी णं अजा [पंच धणुसताई उहुं उच्चत्तेणं होत्या] सुंदरी [णं अज्जा पंच धणुसताई उड्दं उच्चत्तेणं होत्था] ।४३५। -435
(४७४) पंचहिं ठाणेहिं सुत्ते विवुझेजा तं जहा-सद्देणं फासेणं भोयणपरिणामेणं निद्दक्खएणं सुविणदसणेणं ।४३६।-436
(४७५) पंचहि ठाणेहिं सपणे निगंथे निथिं गिण्हमाणे वा अवलंबमाणे वा नातिकमति तं जहा- निगंथि च णं अण्णवरे पसुजातिए वा पक्खिजातिए वा ओहातेजा तस्थ निगंधे निग्गंथिं गिण्हमाणे वा अवलंबमाणे वा नातिक्कमति निगंथे निग्गंथि दुगंसि दा विसमांस वा पक्खलमाणिं वा पवडमाणिं वा गिण्हमाणे वा अवलंबमाणे वा नातिककमति निगंथे निग्गंधि सेयंसि वा पंकसि वा पणगंसि वा उदगंसि वा उक्कसमाणिं वा उज्जमाणिं वा गिण्हमाणे वा अवलंबमाणे वा नातिककमति निग्गंधे निग्गंथि नावं आरुभमाणे या ओरोहमाणे वा नातिक्कमति खित्तचित्तं दित्तचितं जस्खाइट्ठे उम्पायपत्तं उवसग्गपत्तं साहिगरणं सपायच्छितं जाव भत्तपाणपडियाइक्खियं अट्ठजायं वा निग्गंथे निग्गंथिं गेण्हमाणे वा अवलंबमाणे या नातिक्कमति १४३७] -437
(४७६) आयरिय-उवझायरस णं गणंसि पंच अतिसेसा पन्नत्ता तं जहा-आयरियउवज्झाए अंतो उवरसवस्स पाए निगज्झिय-निगग्झिय पप्फोडेमाणे वा पम माणे वा नातिक्कमति आवरिय-उवज्झाए अंतो उवस्सयस्स उच्चारपासवणं विगिचमाणे या विसोधेमाणे वा नातिक्कमति आयरिय-उबजाए पमू इच्छा वेयावडियं करेजा इच्छा नो करेजा आयरिय-उवज्झाए अंतो उवासयस्स एगरातं वा दुरातं वा एगगो वसमाणे नातिक्कमति आयरिय-उवझाए वाहिं उवम्सयस्स एगरातं वा दुरातं वा एगओ वसमाणे नातिक्रमति ।४३८1-438
(४७७) पंचहिं ठाणेहिं आयरिय-उबज्झायस्स गणावककमणे पन्नत्ते तं जहा- आयरिय-उवज्झाए गणंसि आणं वा धारणं वा नो सम्मं पउंजित्ता भवति आयरिय-उबज्झाए गणंसि आधारायणियाए कितिकम्मं येणइयं नो प्सम्म पउंजित्ता भवति आयरिय-उयज्झाए गणंसि जे सुयप्रजवजाते धारेति ते काले काले नो सम्ममणुपवादेत्ता भवति आयरिय-उवज्झाए गणंसि सगणियाए वा परगणियाए वा निग्गंधीए वहिलेसे भवति मित्ते नातिगणे वा से गणाओ अवक्कमेचा तेसिं संगहोवग्गहट्टयाए गणावक्कमणे पण्णते १४३९।-499
(४७८) पंचविहा इड्डिमंता मणुस्सा पन्नत्ता तं जहा-अरहंता चक्कवट्टी बलदेवा वासुदेवा भाचियप्पाणो अणगारा ।४४०/-440
• पंचमे ठाणे बीओ उद्देसो सपत्तो .
For Private And Personal Use Only
| SR No. | 009729 |
| Book Title | Agam 03 Thanam Angsutt 03 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 170 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 3 MB |