Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुपक्षपो-२, अनवणं-१, उद्देसो-२
६९
या पट्टणे वा दोणमुहे वा आगरे वा निगमे वा आसमे वा सण्णिवेसे वा] रायहाणी वा केवइया एत्थ आसा हत्थी गामपिंडोलगा मणुस्सा परिवसंति से बहुमते बहुउदए बहुजणे बहुजवसे से अप्पभत्ते अप्युदर अप्पजणे अप्पजवसे एयप्पगाराणि परिणाणि पुट्ठो नो आइक्खेज्जा एयप्पगाराणि परिणाणि नो पुच्छेज्जा एवं खलु तस्स भिक्खुस्स वा भिक्खुणीए वा सामग्गियं जं सच्चट्ठेहिं [समिए सहिए सया जएग्जासि -त्ति बेमि] ॥ ३४९ ॥
• तहए अञ्झयणे बीओ उद्देसो समत्तो
- त इ ओ उसो :
( ४६१ ) से भिक्खू वा भिक्खुणी वा गामाशुगामं दूइज्माणे अंतरा से वप्पाणि वा फलिहाणि वा पागाराणि वा [तोरणाणि वा अग्गलाणि वा अग्गल पासागाणि वा गड्ढाओ वा ] दरीओ वा कूडागाराणि वा पासादाणि वा नूम-गिहाणि वा रुक्ख-गिहाणि वा पव्वय-गिहाणि वा रुवखं वा चेइय-कडं धूमं वा चेइयकडं आएसणाणि वा [आयतणाणि वा देवकुलाणि वा सहाओ वा पवाओ वा पणिय-गिहाणि वा पणिय-सालाओ वा जाण-गिहाणि वा जाण - साला - ओ वा सुहा- कम्ताणि वा दम-कम्मताणि वा वद्ध-कम्पताणि वा वक्क - कम्मताणि वा वण-कम्मताणि वा इंगाल-कम्ताणि वा कट्ठ-कम्ताणि वा सुसाण-कम्मंताणि वा संति- कम्पं ताणि या गिरिकम्पताणि वा कंदर- कम्मंताणि वा सेलोवद्वाण-कम्पताणि वा ] भवणगिहाणि वा नो वाहाओ पगिज्झिय-पगिज्झिय अंगुलियाए उद्दिलिय उद्दितिय ओणमिय-ओणमिय उज्यमिय - उण्णमिय निज्झाएज्जा तओ संजयामेव गामाणुगामं दूइजेज्जा से भिक्खू वा भिक्खुणी वा गामाणुगामं दूइजमाणे अंतरा से कच्छाणि वा दवियाणि वा णूमाणि वा वल- याणि या गहणाणि वा गहण - विदुग्गाणि वा वाणि वा वण-विदुग्गाणि वा पव्वयाणि वा पव्वय-विदुग्गाणि वा अगडाणि वा तलागाणि वा दहाणि वा नदीओ वा वावीओ या पोक्ख रिणीओ वा दीहियाओ वा गुंजालियाओ वा सराणि वा सर-पंतियाणि वा सर-सरपतियाणि वा नो बाहाओ पणिज्झियपगिज्झिय [ अंगुलियाए उद्दिलिय उद्दिसिय ओणमिय-ओणमिय उण्णमिय-उष्णमिय निज्झाएजा तओ संजयामेव गामाणुगामं दूइजेज्जा ] केवली बूया आया- णमेयं जे तत्य मिगा वा पसुया वा पक्खी वा सरीसिवा वा सीहा वा जलचरा वा थलचरा वा खहचरा वा सत्ता ते उत्तसेज वा वित्तसेज्जा वा बाडं वा सरणं वा कखेज्जा चारे ति मे अयं समणे अह भिक्खूणं पुव्वोवदिट्ठा [एस पइण्णा एस हेऊ एस कारणं एस उवएसो । जं ना बाहाओ पगिज्झिय-पगिज्झियं [अंगुलियाए उद्दिलिय - उद्दितिय ओणमिय- ओणमिय उष्णमिय- उण्णमिय) निज्झाएजा तओ संजयामेव आयरिय-उवज्झाएहिं सद्धिं गामानुगामं दूइजेजा | ३५०/- 127
1.
(४६२ ) से भिक्खू वा भिक्खुणी वा आयरिय उवज्झाएहिं सद्धिं गामाजुगामं दूइजमाणे नो आयरिय-उवज्झायस्स हत्येण हत्यं [ पाएण पायं काएण काय आसाएजा से 1 अणासायमाणे तओ संजयामेव आयरिय-उवज्झाएहिं सद्धिं गामाणुगामं दूइजेज्जा से भिक्खू वा भिक्खुणी वा आयरिय उवज्झाएहिं सद्धिं दूइजमाणे अंतरा से पाडिपहिया उवागच्छेजा ते णं पाडिपहिया एवं बज्जा आउसंतो समणा के तुम्मे कओ वा एह कहिं वा गच्छिहिह जे तत्थ आयारिए वा उवज्झाए वा से पासेज वा वियागरेज्जा या आयरिय उवज्झायस्स भासमाणस्स वा वियागरेमाणस्स वा नो अंतराभासं करेज्जा तओ संजयामेव आहारातिणिए
-
For Private And Personal Use Only
| SR No. | 009727 |
| Book Title | Agam 01 Ayaro Angsutt 01 Moolam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 1996 |
| Total Pages | 130 |
| Language | Prakrit |
| Classification | Book_Devnagari, Agam, Canon, Agam 01, & agam_acharang |
| File Size | 3 MB |