________________
त्रिषष्टिशलाका
पुरुषचरिते
।। १४१ ।।।
¡EDERERERERERERERERERERERERY:
अर्हद्भक्तिप्रभृतीनि स्थानकानि परामृशन् । सुधीरुपार्जयामास तीर्थकृन्नाम कर्म सः ॥ १३ ॥ काले च कृत्वाऽनशनं स विपद्य समाहितः । विमाने वैजयन्ताख्ये महद्धिरमरोऽभवत् ॥ १४ ॥ इतश्च जम्बूद्वीपेऽस्मिन्नस्मिन् वर्षे च भारते । अस्ति रत्नपुरं नाम तत्तद्रत्नाकरः पुरम् ॥ १५ ॥ पार्श्वयो रत्नसोपानरश्मिजालैर्मिथो युतैः । सेतुबुद्धा इवाभान्ति तत्रोपवनदीर्घिकाः ॥ १६ ॥ सार्हच्चैत्यानि हैमानि सादर्शानि पदे पदे । तत्राख्यान्ति गृहाण्येव त्रिपुमर्थी सदोद्यताम् ॥ १७ ॥ तस्मिन् मरकतैर्बद्धा शोभते मार्गभूर्निशि । प्रतिबिम्बितनक्षत्रा मुक्तास्वस्तिकभागिव ॥ १८ ॥ तत्रौकोनागदन्तानां कण्ठेष्विभ्यवधूजनैः । हाराः प्रलम्बिता यान्ति कण्ठाभरणरूपताम् ॥ १९ ॥ शीतमुद्यानवापीभिर्घर्मं हर्म्यमहानसैः । वर्षां गजमदैर्बिभ्रत् तत्कालत्रयभागिव ॥ २० ॥ तत्रासीन्नृपतिर्भानुर्भानुमानिव तेजसा । वैरिकक्षबृहद्भानुर्भानुच्चैरमलैर्गुणैः ॥ २१ ॥ परिमातुमलम्भूष्णुर्मा भूदपि बृहस्पतिः । तांस्तांस्तरङ्गिणीनाथतरङ्गानिव तद्गुणान् ॥ २२ ॥ एकेन तेनात्तकरा नापश्यदपरं पतिम् । भूरियं कुलजातेव ललना शीलशालिनी । २३ ॥ श्रियं स्वभावचपलां संयम्य सुदृढैर्गुणैः । स्वदोः स्तम्भे स्थिरीचक्रे स वारणवधूमिव ॥ २४ ॥ प्रौढप्रतापो मार्तण्ड इव प्रत्यर्थिभूभुजाम् । संजहार स तेजांसि प्रदीपानामिवाभितः ॥ २५ ॥ विजेतुकामो नृपतीनध्यारोपयति स्म सः । न भ्रूलतामप्यनिके किं पुनः कार्मुके गुणम् ॥ २६ ॥
१ समाधिमान्। २ रत्नमयपङिक्तनां किरणैर्बद्धसेतुका इव वाप्यः शोभन्तेइत्यर्थः । ३ नागदन्ताः दन्तकाः 'खुंटी' इति भाषायाम् । ४ वै एव कक्षास्तेभ्यः बृहद्धानुरग्निरिव, भान् शोभमानः । ५ आत्तो गृहीतो हस्तो ऽन्यत्र षष्ठांशभागो यस्याः सा । ६ हस्तिनीपक्षे रज्जुभिः । ७ भाले ।
FRERERERERERE
GREREREDERER
चतुर्थं पर्व
पञ्चमः
सर्गः श्रीधर्मनाथजिनचरितम् ।
रत्नपुरम् ।
॥ १४१ ॥
