________________
अविवेकोऽयथारूप-बोधस्यैकनिबन्धनम् । चित्तं भावातुरं कुर्याद् निमित्तानुगमे सति ॥१९॥
क्षारन्यासाज्जलं मूलान्-माधुर्यादपचीयते । एवं कर्मोदयादात्मा स्वभावाद् दूरतो व्रजेत् ॥२०॥
सर्वसंवेदनेष्वात्मा सापेक्षः कर्मणां प्रति । सौख्ये दुःखे समापन्ने स्वतंत्रो नैव वर्तते ॥२१॥
इन्द्रियेष्वनुकूलानां लाभेऽन्येषां च संगमे । देहद्वारेण संवेत्ति कर्माधीनः सुखादिकम् ॥२२॥
देहादात्मा विभिन्नोऽपि देहेनाऽनुभवन् जगत् । सुखं दुःखं च देहस्थ-मात्मस्थत्वेन मन्यते ॥२३॥
कषायनोकषायाणां मिथ्यात्वस्यापि कारणाद् । तनावात्मभ्रमोत्पाद आत्मनोऽनादिकालतः ॥२४॥
११०
श्रीसंवेगरतिः
