________________
१०८
ननु संगीतमास्वाद्य दृष्ट्वा पुष्पादिसुन्दरम् । आस्वाद्य मधुरान्नं च स्वतंत्रोऽनुभवः सुखम् ॥१३॥
तथा कंटकवेधेन क्षुधाजागरणेन च । रोगादिसंकटे दुःखं स्वातंत्र्यादनुभूयते ॥१४॥
यद् यथाऽस्ति तथा तस्य वेदने विकृतिः कुतः । तथात्वे सति सर्वज्ञो विकृत्या दूषितो भवेत् ॥१५॥
अत्रोच्यते चेतनाया निमित्तैरनुवर्तिता । कर्मविक्षोभिताऽवस्था सुखे दुःखे च दृश्यते ॥ १६ ॥
काचे रंगांचिते नेत्रै - र्लोकिते पारदर्शिनि । अतथास्थमपि रूपं तथात्वेन विलोक्यते ॥ १७ ॥
नेत्रयोरत्र को दोषो दोषोऽस्ति रंगसंगतेः । जीवस्यास्तीह को दोषो दोषो मोहस्य केवलम् ॥१८॥
श्रीसंवेगरतिः
