________________
धर्मस्योदीरणाकृत्त्वं कल्याणमित्रलक्षणम् । धर्मेणाभ्यधिकस्तुल्यो न्यूनो वा सम्भवेदयम् ॥७३॥
धर्मश्रद्धासमिद्धात्मा धर्माचारविशारदः । धर्माभ्यासरतो नित्यं मत: श्रेयःसखा वरः ॥७४॥
तेन साकं प्रयुंजीत धर्मं तत्प्रेरितो भजेत् । तन्निषिद्धान्निवर्तेत नैतदिच्छामतिक्रमेत् ॥५॥
सदा तस्यादरं कुर्यात् तद्धर्मं चाभिवादयेत् । मार्गदर्शकतां चास्य स्वीकर्यादात्मशोधने ॥७६॥
निमित्तैरितरैरेवं शुभात् संस्कारसंग्रहात् । प्रतिभावान् शुभान् गच्छन् शुभाभिप्रायवान् भवेत् ॥७७॥
१०२
श्रीसंवेगरतिः
