Page Text
________________
ਮੇਰੇ ਵੱਸ ਦਾ ਕੰਮ ਨਹੀਂ । ਮੈਂ ਮਹਾਰਾਜਾ ਸਿਧਾਰਥ ਨੂੰ ਇਸ ਬਾਲਕ ਦੀ ਬੁਧੀਮਤਾ ਬਾਰੇ ਅੱਜ ਹੀ ਦੱਸ ਕੇ ਆਵਾਂਗਾ । “ ਮੁੱਖ ਅਧਿਆਪਕ ਨੇ ਉਸੇ ਦਿਨ ਰਾਜ ਸਭਾ ਵਿੱਚ ਆਕੇ ਬਾਲਕ ਵਰਧਮਾਨ ਦੀ ਅਲੌਕਿਕ ਬੁਧੀ ਦੀ ਚਰਚਾ ਕੀਤੀ ਅਤੇ ਹੱਥ ਜੋੜ ਕੇ ਕਿਹਾ “ਇਸ ਪੜ੍ਹੇ ਹੋਏ ਬਾਲਕ ਨੂੰ ਨਵੇਂ ਸਿਰੇ ਤੋਂ ਪੜ੍ਹਾਉਣ ਦੀ ਕੋਈ ਜਰੂਰਤ ਨਹੀ ।" ਇਸ ਪ੍ਰਕਾਰ ਬਾਲਕ ਵਰਧਮਾਨ ਇੱਕ ਦਿਨ ਹੀ ਸਕੂਲ ਗਏ । ਵਿਆਹ ਅਤੇ ਸੰਤਾਨ
ਵਰਧਮਾਨ ਹੁਣ ਬਚਪਨ ਗੁਜਾਰ ਕੇ ਜੁਆਨੀ ਵਿਚ ਪੈਰ ਧਰਨ ਲਗੇ । ਪਰ ਉਹ ਹਰ ਸਮਾਂ ਸੰਸਾਰ ਵਿਚ ਫੈਲੇ ਧਰਮ ਦੇ ਨਾਂ ਉਪਰ ਫੈਲੀ ਹਿੰਸਾ, ਪਾਪ, ਅਨਿਆ, ਛੂਆ-ਛਾਤ, ਦਾਸ ਪ੍ਰਥਾ ਅਤੇ ਜਾਤ-ਪਾਤ ਵਰਗੇ ਭੈੜੇ ਰਸਮਾਂ ਰਿਵਾਜਾਂ ਬਾਰੇ ਸੋਚਦੇ ਰਹਿੰਦੇ। ਵਰਧਮਾਨ ਮਹਾਵੀਰ ਸੰਸਾਰਿਕ ਕਾਮ ਭੋਗਾਂ ਤੋਂ ਪਰੇ ਸਨ । ਉਹ ਇਨ੍ਹਾਂ ਵਿਚ ਫਸਣਾ ਵੀ ਨਹੀਂ ਸਨ ਚਾਹੁੰਦੇ । ਪਰ ਮਾਤਾ ਪਿਤਾ ਦੇ ਪਿਆਰ ਅਗੇ ਉਨ੍ਹਾਂ ਨੂੰ ਸਤਿਕਾਰ ਵਜੋਂ ਸਿਰ ਝੁਕਾਉਦੇ ਹੋਏ ਸ਼ਾਦੀ ਦਾ ਫੈਸਲਾ ਕਰਨਾ ਪਿਆ ।
ਆਪ ਦੀ ਸ਼ਾਦੀ ਕਲਿੰਗ ਨਰੇਸ਼ ਸਮਰਸੇਨ ਦੀ ਪੁੱਤਰੀ ਯਸ਼ੋਧਾ ਨਾਲ ਹੋਈ । ਜਿਸ ਤੋਂ ਆਪਦੇ ਇੱਕ ਪੁੱਤਰੀ ਪ੍ਰਿਅ ਦਰਸ਼ਨਾ ਪੈਦਾ ਹੋਈ । ਜਿਸ ਦਾ ਵਿਆਹ ਆਪ ਨੇ ਆਪਣੇ ਭਾਣਜੇ ਜਮਾਲੀ ਨਾਲ ਕਰ ਦਿਤਾ । ਵੈਰਾਗ| ਜਦ ਰਾਜਕੁਮਾਰ ਵਰਧਮਾਨ ਮਹਾਵੀਰ 28 ਸਾਲ ਦੇ ਹੋਏ ਆਪ ਜੀ ਦੇ ਮਾਤਾ ਅਤੇ ਪਿਤਾ ਦੋਵੇਂ ਸਵਰਗ ਸਿਧਾਰ ਗਏ । ਹੁਣ ਵਰਧਮਾਨ ਨੂੰ ਆਪਣੀ ਮਾਤਾ ਦੇ ਗਰਭ ਵਿਚਕਾਰਲੀ ਪ੍ਰਤਿਗਿਆ ਯਾਦ ਆਈ । ਉਨ੍ਹਾਂ ਸੰਸਾਰ ਦੇ ਸੁਖਾਂ ਨੂੰ ਛੱਡਣ ਦਾ ਫੈਸਲਾ ਕਰ ਲਿਆ ।ਉਹ ਸਾਧੂ ਬਣਨ ਲਈ ਤਿਆਰ ਹੋ ਗਏ । ਉਨ੍ਹਾਂ ਆਪਣੇ ਵਡੇ ਭਰਾ ਤੋਂ ਸਾਧੂ ਬਣਨ ਦੀ ਆਗਿਆ ਮੰਗੀ । ਰਾਜਾ ਨੰਦ ਵਰਧਨ ਪਹਿਲਾਂ ਹੀ ਮਾਤਾ ਪਿਤਾ ਦੇ ਵਿਛੋੜੇ ਤੋਂ ਦੁਖੀ ਸਨ । ਉਨ੍ਹਾਂ ਕਿਹਾ “ ਅਜੇ ਤਾਂ ਮਾਤਾ ਪਿਤਾ ਦੇ ਵਿਛੋੜੇ ਦਾ ਮੇਰਾ ਦੁੱਖ ਤਾਜਾ ਹੈ ਅਤੇ ਉਪਰੋਂ ਤੂੰ ਘਰਬਾਰ ਛੱਡ ਕੇ ਸਾਧੂ ਬਨਣਾ ਚਾਹੁੰਦਾ ਹੈਂ । ਇਹ ਕਿਸ ਤਰ੍ਹਾਂ ਹੋ ਸਕਦਾ ਹੈ ? ਮੈਂ ਮਾਂ, ਪਿਉ ਅਤੇ ਭਰਾ ਦਾ ਵਿਛੋੜਾ ਕਿਵੇਂ ਸਹਾਂਗਾ । ਵਰਧਮਾਨ ਨੇ ਉੱਤਰ ਵਿੱਚ ਹੱਥ ਜੋੜ ਕੇ ਆਪਣੇ ਭਰਾ ਨੂੰ ਕਿਹਾ “ ਇਸ ਦੁੱਖ ਦਾ ਕਾਰਨ ਸੰਸਾਰ ਪ੍ਰਤੀ ਤੁਹਾਡਾ ਰਾਗ ਦਵੇਸ਼ ਹੈ । ਅਸਲ ਵਿੱਚ ਸੁੱਖ ਦੁੱਖ, ਜਨਮ ਮਰਨ ਸਭ ਕਰਮ ਫਲ ਹਨ । ਮੈਂ ਸਾਧੂ ਜਰੂਰ ਬਣਾਂਗਾ, ਪਰ ਜਦ ਤੁਸੀਂ ਆਗਿਆ ਦੇਵੋਗੇ ।”
1. ਦਿਗੰਬਰ ਜੈਨ ਪਰੰਪਰਾ ਭਗਵਾਨ ਮਹਾਵੀਰ ਦੀ ਮੰਗਣੀ ਨੂੰ ਤਾਂ ਮੰਨਦੀ ਹੈ ਪਰ ਵਿਆਹ ਅਤੇ ਸੰਤਾਨ ਨੂੰ ਨਹੀਂ ਮੰਨਦੀ । ਇਸ ਪਰੰਪਰਾ ਅਨੁਸਾਰ ਭਗਵਾਨ ਮਹਾਵੀਰ ਬਾਲ ਬ੍ਰਹਮਚਾਰੀ ਹੀ ਰਹੇ । 32
ਭਗਵਾਨ ਮਹਾਵੀਰ
| SR No. | 009403 |
| Book Title | Bhagwan Mahavir |
| Original Sutra Author | N/A |
| Author | Purushottam Jain, Ravindra Jain |
| Publisher | Purshottam Jain, Ravindra Jain |
| Publication Year | |
| Total Pages | 166 |
| Language | Punjabi |
| Classification | Book_Other |
| File Size | 7 MB |