Page Text
________________
ਛੱਤੀਵਾਂ ਸਾਲ
, ਵੈਸ਼ਾਲੀ ਚੌਮਾਮਾ ਪੂਰਾ ਕਰਕੇ ਭਗਵਾਨ ਮਹਾਵੀਰ ਕੌਸ਼ਲ ਦੇਸ਼ ਵਿਖੇ ਧਰਮ ਪ੍ਰਚਾਰ ਕਰਨ ਲਗੇ । ਅਨੇਕਾਂ ਜੀਵ ਆਤਮਾਵਾਂ ਦਾ ਕਲਿਆਣ ਕਰਦੇ ਹੋਏ, ਆਪ ਸ਼ਾਕੇਤ ਨਗਰ ਪਹੁੰਚੇ । ਸਾਕੇਤ ਉਸ ਸਮੇਂ ਬਹੁਤ ਪ੍ਰਸਿੱਧ ਨਗਰ ਸੀ । ਉਥੇ ਜੈਨ ਧਰਮ ਦਾ ਮੰਨਣ ਵਾਲਾ ਜਿਨਦੇਵ ਸੇਠ ਰਹਿੰਦਾ ਸੀ । ਉਹ ਅਨੇਕਾਂ ਦੇਸ਼ਾਂ ਵਿਦੇਸ਼ਾ ਵਿਚ ਵਿਉਪਾਰ ਕਰਦਾ
ਸੀ ।
ਇਕ ਵਾਰ ਜਿਨਦੇਵ ਉਪਾਸਕ ਮਲੇਛ ਦੇਸ਼ ਪਹੁੰਚਿਆ । ਉਸ ਦੀ ਰਾਜਧਾਨੀ ਕੋਟੀਵਰਸ਼ ਸੀ । ਉਥੋਂ ਦਾ ਰਾਜਾ ਕਿਰਾਤ ਰਾਜ ਸੀ। ਪੁਰਾਣੇ ਸਮੇਂ ਦੇ ਰਿਵਾਜ ਅਨੁਸਾਰ ਜਿਨਦੇਵ, ਰਾਜਦਰਬਾਰ ਵਿਚ ਵਿਉਪਾਰ ਕਰਨ ਦੀ ਇਜਾਜ਼ਤ ਲੈਣ ਲਈ ਆਇਆ । ਜਿਨਦੇਵ ਨੇ ਕਿਰਾਰਾਜ ਅਗੇ ਬਹੁਮੁਲੇ ਵਸਤਰ, ਮਣੀ ਅਤੇ ਰਤਨ ਭੇਂਟ ਕੀਤੇ ।
ਬਾਦਸ਼ਾਹ ਨੂੰ ਇਹ ਬਹੁਮੁਲੇ ਰਤਨ ਬਹੁਤ ਪਸੰਦ ਆਏ । ਇਸ ਦਾ ਮੁੱਖ ਕਾਰਣ ਇਹ ਸੀ ਕਿ ਅਜਿਹੇ ਰਤਨ ਪਹਿਲਾਂ ਉਸ ਦੇ ਖਜਾਨੇ ਵਿਚ ਨਹੀਂ ਸਨ ।
ਬਾਦਸ਼ਾਹ ਨੂੰ ਜਿਨਦੇਵ ਨੂੰ ਵਿਉਪਾਰ ਕਰਨ ਦੀ ਇਜਾਜ਼ਤ ਦੇ ਦਿਤੀ । ਬਾਦਸ਼ਾਹ ਕਿਰਤ ਰਾਜ ਦੇ ਜਿਨਦੇਵ ਨੂੰ ਪ੍ਰਸੰਨ ਕਰਦੇ ਪੁਛਿਆ, “ ਕਿ ਅਜਿਹੇ ਸੁੰਦਰ ਰਤਨ ਤੇਰੇ ਦੇਸ਼ ਵਿਚ ਹੀ ਪੈਦਾ ਹੁੰਦੇ ਹਨ ਜਾਂ ਇਥੋਂ ਬਾਹਰਲੇ ਦੇਸ਼ਾਂ ਤੋਂ ਆਉਦੇ ਹਨ ?
ਜਿਨਦੇਵ ਨੇ ਹਥ ਜੋੜਦਿਆਂ ਕਿਹਾ, “ ਮਹਾਰਾਜ ! ਸਾਡੇ ਦੇਸ਼ ਵਿਚ ਤਾਂ ਅਜਿਹੇ ਰਤਨਾਂ ਤੋਂ ਵੀ ਵਧੀਆ ਰਤਨ ਪੈਦਾ ਹੁੰਦੇ ਹਨ ।” ਕਿਰਾਤ ਰਾਜੇ ਨੇ ਆਪਣੀ ਗੱਲ ਸਪਸ਼ਟ ਕਰਦਿਆ ਕਿਹਾ, “ ਮਨ ਚਾਹੁੰਦਾ ਹੈ ਕਿ ਤੁਹਾਡੇ ਦੇਸ਼ ਵਿਚ ਜਾ ਕੇ ਸਾਰੇ ਰਤਨ ਖਰੀਦ ਲਵਾਂ ! ਪਰ ਤੁਹਾਡੇ ਦੇਸ਼ ਦੇ ਰਾਜੇ ਤੋਂ ਡਰਦਾ ਹਾਂ ।” | ਜਿਨਦੇਵ ਨੇ ਕਿਰਾਤ ਰਾਜੇ ਨੂੰ ਭਰੋਸਾ ਦਿੱਤਾ ਕਿ ਉਹ (ਜਿਨਦੇਵ) ਸਾਕੇਤ ਦੇ ਰਾਜੇ ਤੋਂ ਜਲਦ ਹੀ ਤੁਹਾਡੀ ਯਾਤਰਾ ਦੀ ਇਜਾਜਤ ਲੈ ਦੇਵੇਗਾ।
'ਜਿਨਦੇਵ ਸਾਕੇਤ ਦੇਸ਼ ਦਾ ਪ੍ਰਸਿੱਧ ਵਿਉਪਾਰੀ ਸੀ । ਸਾਕੇਤ ਦਾ ਰਾਜਾ ਸ਼ਤਰੂਜੈ ਜਿਨਦੇਵ ਦੀ ਬਹੁਤ ਇਜ਼ਤ ਕਰਦਾ ਸੀ ।
ਜਿਨਦੇਵ ਦੀ ਬੇਨਤੀ ਨੂੰ ਉਸਨੇ ਜਲਦੀ ਹੀ ਪ੍ਰਵਾਨ ਕਰ ਲਿਆ । ਬਾਦਸ਼ਾਹ ਸ਼ਤਰੂਜੈ ਦੀ ਇਜਾਜਤ ਮਿਲਣ ਤੇ ਕਿਰਾਤ ਰਾਜ ਤੇ ਜਿਨਦੇਵ ਸਾਕੇਤ ਵੱਲ ਨੂੰ ਆ ਗਏ। ਕਿਰਾਤ ਰਾਜ, ਜਿਨਦੇਵ ਦੇ ਘਰ ਕਾਫੀ ਸਮੇਂ ਰਿਹਾ । ਉਨ੍ਹਾਂ ਦਿਨਾਂ ਵਿਚ ਹੀ ਭਗਵਾਨ ਮਹਾਵੀਰ ਸਾਕੇਤ ਦੇ ਬਾਗ ਵਿਚ ਧਰਮ ਪ੍ਰਚਾਰ ਲਈ ਪਧਾਰੇ । ਰਾਜਾ ਸ਼ਤਰੂਜੈ ਆਪਣੇ ਪਰਿਵਾਰ ਤੇ ਪਰਜਾ ਨਾਲ ਭਗਵਾਨ ਮਹਾਵੀਰ ਦਾ ਧਰਮ ਉਪਦੇਸ਼ ਸੁਣਨ ਲਈ ਸੜਕਾਂ, ਬਜਾਰਾਂ ਵਿਚ ਜਲੂਸ ਦੀ ਸ਼ਕਲ ਵਿੱਚ ਲੰਘ ਰਿਹਾ ਸੀ ।
110. .
ਭਗਵਾਨ ਮਹਾਵੀਰ
| SR No. | 009403 |
| Book Title | Bhagwan Mahavir |
| Original Sutra Author | N/A |
| Author | Purushottam Jain, Ravindra Jain |
| Publisher | Purshottam Jain, Ravindra Jain |
| Publication Year | |
| Total Pages | 166 |
| Language | Punjabi |
| Classification | Book_Other |
| File Size | 7 MB |