________________
ਦੋ ਵਰਤਾਂ ਦਾ ਪਾਲਣ ਕਰਦਾ ਸੀ । ਉਸ ਦਾ ਬਾਹਰਲਾ ਭੇਸ ਸਨਿਆਸੀ ਵਾਲਾ ਸੀ, ਪਰ ਉਹ ਭਗਵਾਨ ਮਹਾਵੀਰ ਦਾ ਪੱਕਾ ਭਗਤ ਸੀ।
ਅੰਬਡ 2-2 ਵਰਤ ਲਗਾਤਾਰ ਕਰਦਾ । ਉਸਨੂੰ ਤੱਪਸਿਆ ਕਾਰਣ ਅਨੇਕਾਂ ਰਿਧੀਆਂ ਸਿਧੀਆਂ ਪ੍ਰਾਪਤ ਹੋ ਗਈਆਂ ਸਨ ।
ਇਨ੍ਹਾਂ ਤਪ ਸ਼ਕਤੀ ਕਾਰਣ ਹੀ ਉਹ ਆਪਣੇ 100 ਰੂਪ ਬਣਾ ਕੇ 100 ਘਰਾਂ ਵਿਚ ਭੋਜਨ ਕਰਦਾ ਸੀ । ਲੋਕ ਉਸ ਦੇ ਇਸ ਤੱਪ ਤੋਂ ਬਹੁਤ ਪ੍ਰਭਾਵਿਤ ਸਨ । ਇਥੇ ਭਗਵਾਨ ਮਹਾਵੀਰ ਨੇ ਅੰਬੜ ਸਨਿਆਸੀ ਦੀ ਧਰਮ ਪ੍ਰਤੀ ਸਚੀ ਲਗਨ ਦੀ ਪ੍ਰਸੰਸਾ ਕੀਤੀ। ਭਗਵਾਨ ਮਹਾਵੀਰ ਨੇ ਗੌਤਮ ਨੂੰ ਅੰਬੜ ਦਾ ਭਵਿੱਖ ਦਸਦਿਆਂ ਕਿਹਾ “ ਹੇ ਗੌਤਮ ! ਅੰਬੜ ਸਨਿਆਸੀ ਮਰ ਕੇ, ਬ੍ਰਹਮ ਦੇਵ ਲੋਕ ਹਾਸਲ ਕਰੇਗਾ ਅਤੇ ਦੇਵ ਲੋਕ ਪੂਰਾ ਕਰਕੇ ਸਿੱਧ, ਬੁੱਧ ਮੁਕਤ ਹੋਵੇਗਾ ।
"
ਇਸ ਘਟਨਾ ਤੋਂ ਸਿੱਧ ਹੁੰਦਾ ਹੈ ਕਿ ਜੈਨ ਧਰਮ ਵਿਚ ਗੁਣਾਂ ਦੀ ਪ੍ਰਧਾਨਤਾ ਹੈ ਭੇਖ ਦੀ ਨਹੀਂ । ਭਗਵਾਨ ਮਹਾਵੀਰ ਨੇ ਵੈਸ਼ਾਲੀ ਵਿਖੇ ਚੌਮਾਸਾ ਕੀਤਾ ।
ਬਤੀਵਾਂ ਸਾਲ
ਵੈਸ਼ਾਲੀ ਦਾ ਚੌਮਾਸਾ ਬਹੁਤ ਮਹੱਤਵਪੂਰਨ ਰਿਹਾ । ਇਥੇ ਅਨੇਕਾਂ ਆਤਮਾਵਾਂ ਨੇ ਭਗਵਾਨ ਮਹਾਵੀਰ ਦਾ ਪਵਿੱਤਰ ਉਪਦੇਸ਼ ਸੁਣ ਕੇ ਆਤਮ ਕਲਿਆਣ ਕੀਤਾ । ਇਥੋਂ ਚੱਲ ਕੇ ਭਗਵਾਨ ਮਹਾਵੀਰ ਕਾਂਸੀ ਕੋਸ਼ਲ ਦੇਸ਼ਾਂ ਵਿਚ ਪਧਾਰੇ ।ਇਥੋਂ ਦੇ ਛੋਟੇ ਬੜੇ ਸ਼ਹਿਰਾਂ ਤੇ ਪਿੰਡਾਂ ਵਿੱਚ ਧਰਮ ਪ੍ਰਚਾਰ ਕੀਤਾ । ਭਗਵਾਨ ਮਹਾਵੀਰ ਨੇ ਆਪਣਾ ਧਰਮ ਉਪਦੇਸ਼ ਝੌਂਪੜੀ ਤੋਂ ਲੈ ਕੇ ਮਹਿਲਾਂ ਤੱਕ, ਹਰ ਇਕ ਨੂੰ ਬਿਨਾਂ ਭੇਦ ਭਾਵ ਤੋਂ ਦਿਤਾ। ਕਾਂਸੀ, ਕੋਸ਼ਲ ਤੋਂ ਭਗਵਾਨ ਮਹਾਵੀਰ ਵਿਦੇਹ ਦੇਸ਼ ਪਧਾਰੇ । ਇਥੇ ਵਣਿਜਗ੍ਰਾਮ ਦੇ ਦੁਤੀਪਲਾਸ਼ ਬਗੀਚੇ ਵਿਚ ਠਹਿਰੇ ।
ਇਥੇ ਹੀ ਗਾਂਗੇ ਨਾਂ ਦੇ ਭਗਵਾਨ ਮਹਾਵੀਰ ਪਾਰਸ਼ਵਨਾਥ ਦੀ ਪਰੰਪਰਾ ਦੇ ਮੁਨੀ ਨੇ ਆਪ ਨਾਲ ਨਰਕ, ਸਵਰਗ, ਦੇਵਤਿਆਂ ਦੀ ਹੋਂਦ, ਜੀਵ ਅਜੀਵ ਅਤੇ ਲੋਕ ਬਾਰੇ ਚਰਚਾ ਕੀਤੀ ।
ਭਗਵਾਨ ਮਹਾਵੀਰ ਦੇ ਸੁੰਦਰ ਤੇ ਸਪਸ਼ਟ ਉੱਤਰ ਸੁਣ ਕੇ ਗਾਂਗੇ ਮੁਨੀ ਬਹੁਤ ਖੁਸ਼ ਹੋਏ । ਉਨ੍ਹਾਂ ਨੂੰ ਪੱਕਾ ਵਿਸ਼ਵਾਸ਼ ਹੋ ਗਿਆ ਕਿ ਭਗਵਾਨ ਪਾਰਸ਼ਵ ਨਾਥ ਦੀ ਪਰੰਪਰਾ ਨੂੰ ਅਗੇ ਵਧਾਉਣ ਵਾਲੇ ਭਗਵਾਨ ਮਹਾਵੀਰ ਹੀ ਹਨ ।
ਉਹ ਗਾਂਗੇ ਮੁਨੀ ਨੇ ਭਗਵਾਨ ਮਹਾਵੀਰ ਨੂੰ ਵਿਧੀ ਸਹਿਤ ਨਮਸਕਾਰ ਕੀਤਾ । ਫੇਰ ਉਸਨੇ ਭਗਵਾਨ ਮਹਾਵੀਰ ਦੇ ਪੰਜ ਮਹਾਵਰਤ ਧਾਰਨ ਕਰ ਲਏ ।
ਗਾਂਗੇ ਮੁਨੀ ਅਨੇਕਾਂ ਸਾਲ ਸਾਧੂ ਜੀਵਨ ਗੁਜ਼ਾਰ ਕੇ ਮੁਕਤੀ ਨੂੰ ਪ੍ਰਾਪਤ ਹੋਏ ।
ਭਗਵਾਨ ਮਹਾਵੀਰ
105
