________________
शानचन्द्रिका टीका-मलकदृष्टान्तेन व्यञ्जनावग्रहप्ररूपणम्. ४०३ ईहं पविसइ । तओ जाणइ-अमुगे एस रूवे । तओ अवार्य पविसइ । तओ से उवगयं हवइ । तओ धारणं पविसइ । तओ णं धारेइ-संखेज वा कालं, असंखेज वा कालं ।
से जहानामए केइ पुरिसे अव्वत्तं गंधं अग्घाइज्जा, तेणं गंधंति उग्गहिए, नो चेव णं जाणइ-के वेस गंधेत्ति ? तओ ईहं पविसइ । तओ जाणइ-अमुगे एस गंधे । तओ अवायं पविसइ। तओ से उवगयं हवइ । तओ धारणं पविसइ । तओ गंधारेइसंखेनं वा कालं, असंखेजं वा कालं ।
से जहानामए केइ पुरिसे अव्वत्तं रसं आसाइजा, तेणं रसोत्ति उग्गहिए, नो चेव णं जाणइ के वेस रसेत्ति ? । तओ ईहं पविसइ । तओ जाणइ-अमुगे एस रसे। तओ अवार्य पविसइ । तओ से उवगयं हवइ । तओ धारणं पविसइ । तओ णं धारेइ-संखेज वा कालं असंखेनं वा कालं ।
से जहानामए केइ पुरिसे अव्वत्तं फासं पडिसंवेइज्जा, तेणं फासेत्ति उग्गहिए, नो चेव णं जाणइ-के वेस फासओति ?। तओ ईहं पविसइ । तओ जाणइ-अमुगे एस फासे । तओ अवायं पविसइ । तओ से उवगयं हवइ। तओ धारणं पविसइ। तओ णं धारेइ-संखेजं वा कालं असंखेजं वा कालं ।
से जहानामए केइ पुरिसे अव्वत्तं सुमिणं पासिज्जा, तेणं सुमिणोत्ति उग्गहिए, नो चेव णं जाणइ-के वेस सुमिणेत्ति ? ।
