________________
६६
जीवामसूत्रे
ग्यमूसिय पहसियाविव विविहमणिरयणभत्तिचित्ता वाउय विजयवेजयंती पडागछत्तातिछत्तकलिया तुंगा गगणतलमणुलिहंत सिहरा जालंतररयणपंज रुम्मिलियव्वमणिकणगथूभियागा वियसियसयपत्त पोंडरीय तिलगरयणद्धचंद चित्ता णाणामणिमयदामालंकिया अंतो य बाहिं सण्हा तवणिज्जरुइल वालुयपत्थडा सुहफासा सस्सिरीयरूवा पासाईया ४ । तेंसि णं. पासायवर्डिसगाणं उल्लोया पउमलया जाव सामलया भतिचित्ता सव्वतवणिज्जमया अच्छा जाव पडिरूवा । तेसि णं पासायवर्डिसगाणं पत्तेयं पत्तेयं अंतो बहुसमणिज्जे भूमिभागे पन्नन्ते, से जहा णामए आलिंगपुक्खरेइ वा जाव मणीहिं उवसोभिए, मणीणं गंधो वण्णो फासो य नेयव्वो । तेसि - बहुसमरमणिज्जाणं भूमिभागाणं बहुमज्झदेसभाए पत्तेयं पत्तेयं मणिपेढिया पन्नत्ता, ताओ णं मणिपेढियाओ जोयणं आयामविक्खंभेणं अद्धजोयणं बाहल्लेणं सव्वरयणामईओ जाव पडिरूवाओ । तासि णं मणिपेढियाणं उवरिं पत्तेयं पत्तेयं सीहासणे पन्नत्ते, तेसि णं सीहासणाणं अयमेयारूंचे वण्णावासे पन्नत्ते, तं जहा - तवणिजमया चक्कवाला रययामया सीहा सोवण्णिया पादा णाणामणिमयाई पायपीठाई जंबूणयमयाई गत्ताइं वइरामया संधी णाणामणिमए वेच्चे, ते णं सीहासणा इहामिय उसभ जाव पउमलयभत्तिचित्ता ससारसारोवइय विविहमणिरयणपायपीठा, अच्छरगमिउमसुरंग नवतयकुसंतलिच्च सीहकेसरपच्चुत्थताभिरामा उवचिय खोमदुगुल्लयपडिच्छायणां सुविरइयरयत्ताणा रत्तंसुयसंवुया सुरम्मा आईणगरूयबूरणवणीय तूलमउयफासा मउया पासाईया ४ । तासि णं सीहा
1
