________________
२५०
wwwm.
जीवाभिगमसूत्र गइया दुआगइया, परित्ता असंखेज्जा पन्नत्ता । सेतं उरगपरिसप्पा॥ से किं तं भुयगपरिसप्पसंमूच्छिमथलयरा ? भुयगपरिसप्पसंमुच्छिमथलयरी अणेगविहा पन्नत्ता तं जहा-गोहा णउला जाव जे यावन्ने तहप्पगारा ते समासओ दुविहा पन्नत्ता । तं जहा-पज्जत्ता य अपज्जात्ता य । सरीरोगाहणा :जहन्नेणं अंगुलासंखज्जइभागं, उक्कोसेणं धणुपुहत्तं । ठिई उक्कोसेणं वायालीसं वाससहस्साई । सेसं जहा-जलयराणं जाव चउगइया दुआगइया । परित्ता असंखेज्जा पन्नत्ता, सें तं भुयगपरिसप्पसंमुच्छिमा, से तं थलयरा। सेकिंतं खहयरा ? खहयरा चउबिहा पन्नत्ता तं जहा चम्मपक्खी, लोमपक्खी समुग्गपक्खी विततपक्खी। से किं तं चम्मपक्खी ? चम्मपक्षी अणेगविहा पन्नत्ता तं जहा वग्गुली जाव जे यावन्ने तहप्पगारा, सेत्तं चम्मपक्खी। से कितं लोमपक्खी लोमपक्वीअणेगविहा पन्नत्ता।तं जहा-ढंका कंकाजे यावन्ने तहप्पगारा, सेत्तं लोमपस्वी । से किं तं ससुग्गपक्वी ? समुग्गपक्खी एगागारा पन्नत्ता जहा पण्णवणाए । एवं विततपक्खी जाव जे यावन्ने तहप्पगारा, ते समासओ दुर्विहा पन्नत्ता तं जहा-पज्जत्ता य अपज्जत्ता य । णाणत्तं सरीरोगाहणा जहन्नेणं अंगुलासंखेज्जइभागं । उक्कोसेणं घणुपुहत्तं । ठिई उक्कोसेण वावत्तरि वाससहस्साई, सेसं जहा जलयराणं जाव चउगइया दुआगइया परित्ता असंखेज्जा पन्नत्ता । सेत्तं खहयरसमुच्छिमतिरिक्तजोणिया । सेत्तं समुच्छिमपंचिदियतिरिक्खजोणिया ॥ सू० २२॥
छाया-अथ के ते स्थलचरपरिसर्पसंमूच्छिमपञ्चेन्द्रियतिर्यग्योनिकाः १ स्थल: चरपरिसर्पसंमूच्छिमपच्चेन्द्रियतिर्यग्योतिका द्विविधाः प्रहप्ताः, तद्यथा उरस्परिसर्प
