________________
५१२
भगवती सूत्रे केवलनाणी, अन्नाणी, मइअन्नाणी, सुयअन्नाणी, विभंगनाणी, एएसिं दसह वि संचिटुणा जहा कार्याईए, अंतरं सव्वं जहा जीवाभिगमे, अप्पाबहुगाणि तिन्नि जहा बहुवत्तaयाए । केवइया णं भंते! आभिणिबोहियणाणपजवा पन्नत्ता ? गोयमा ! अनंता आभिणिबोहियनाणपजवा पण्णत्ता । केवइया णं भंते! सुयनोणपज्जवा पण्णत्ता ? एवं चेत्र, एवं जाव केवलनाणस्स, एवं मइअन्नाणस्स, सुय अन्नाणस्स य, केयइया णं भंते! विभंगनाणपज्जवा पण्णत्ता ? गोयमा ! अनंता विभंगनाणपजवा पण्णत्ता ? एएसि णं भंते! आभिणिवोहियणाणपजवाणं, सुयनाणपज्जवाणं, ओहिनाणपजवाण, मणपज्जवनाणपज्जवाणं, केवलनाणपजवाण य करे करेहिंतो जाव विसेसाहिया वा ? गोयमा ! सव्वत्थोवा मणपज्जवनाण पंजवा, ओहिनाणपजवा अनंतगुणो, सुयनाणपज्जवा अनंतगुणा, आभिणिबोहियनाणपज्जवा अनंतगुणा, केवलनाणपज्जवा अनंतगुणा, एएसि णं भंते! मइअण्णाणपज्जवाणं, सुयअन्नाणपज्जवाणं, विभंगनाणपज्जवाण य कयरे कयरेहिंतो जाव विसेसाहिया वा ? गोयमा ! सव्वत्थोवा विभंगनाणपजवा, सुयअण्णाणपज्जवा अणंतगुणा, मइअन्नाणपजवा अनंतगुणा । एएसि णं भंते! आभिणिबोहियणाणपज्जवाणं, जाव केवलनाणपज्जवाणं, मइ अन्नाणपज्जवाणं सुयअन्नाणपज्जवाणं, विभंगनाणपज्जवाण, य कयरे कयरे हितो
