________________
भगवतीस्त्रे अभिणिवोहियनाणी, सुयनाणी, ओहिनाणी, जे अन्नाणी, ते अत्थेगइया दुअन्नाणी, अत्थेगइया तिअन्नाणी, एवं तिन्नि अन्नाणाणि भयणाए, असुरकुमारो णं भंते ! किं नाणी, अण्णाणी ? जहेव नेरइया तहेव तिन्नि नाणाणि नियमा, तिन्नि अन्नाणाणि भयणाए । एवं जाव थणियकुमारा। पुढविकाइया णं भंते ! किं नाणी, अन्नाणी? गोयमा ! नो नाणी, अन्नाणी, जे अन्नाणी. ते नियमा दुअन्नाणी-मइअन्नाणी य, सुयअन्नाणी य, एवं जाव वणस्सइकाइया। बेइंदिया णं पुच्छा ? गोयमा ! णाणी वि, अन्नाणी वि, जे नाणी ते नियमा दुन्नाणी, तंजहा-आभिणिबोहियनाणी य, सुयनाणी य, जे अन्नाणी ते नियमा दुअन्नाणी, तंजहा-आभिणिबोहियअन्नाणी, सुयअन्नाणी। एवं तेइंदिय-चउरिदिया वि। पंचिंदियतिरिक्खजोणिया णं पुच्छा ? गोयमा ! नाणी वि, अन्नाणी वि, जे नाणी ते अत्थेगइया दुन्नाणी, अत्थे गइया तिन्नाणी, एवं तिन्नि नाणाणि, तिन्नि अन्नाणाणि य भयगाए, मणुस्सा जहा जीवा तहेव पंच नाणाणि. तिन्निअन्नाणाणि भयणाए; वाणमंतरा जहा नेरइया। जोइसियवेमाणियाणं तिन्निनाणा,तिन्नि अण्णाणा नियमा। सिद्धाणं भंते! पुच्छा ? गोयमा! णाणी, नो अन्नाणी, नियमा एगनाणी केवलनाणी ॥सू० ५॥
छाया-नैरयिकाः खलु भदन्त ! किं ज्ञानिनः ? अज्ञानिनः ? गौतम ! ज्ञानिनोऽपि, अज्ञानिनोऽपि, ये ज्ञानिनस्ते नियमात् त्रिज्ञानिनः, तद्यथाआभिनिवोधिकज्ञानिनः, श्रुतज्ञानिनः, अवधिज्ञानिनः, ये अज्ञानिनस्ते अस्त्येकके
