________________
श्री
शालिभद्र
महाकाव्यम्
KRA
આ પ્રમાણે વિચારી અણધાર્યા આનંદના ઓધથી તેજસ્વી બનેલી પ્રફુલ્લમુખી ભદ્રાએ પુત્રવધુઓને માતાની જેમ (સાસુની જેમ નહિ) કહ્યું. ॥ ૧૫૪ ||
હે વહુ-બેટીઓ ! પ્રાણપ્રિય પતિ શાલિભદ્રના દર્શન દુર્લભ હતા ત્યારે તમે આ બાર વર્ષ કરોડો યુગો જેવા
ગણ્યા. || ૧૫૫ ||
જાણે મનોરથોના વીંઝાતા વાયુ જેવા તમારા શાલિભદ્ર-વિષયક ધ્યાનથી શું દૂર-દૂરના દેશાંતરથી મોટા વહાણસમો પ્રિયતમ ખેંચાઇ આવ્યો છે ? || ૧૫૬ ||
તો આજે ઉદ્યમી તમે પહેલા લાંબા કાળથી પરિચિત, વિનીત સેવક જેવા શણગાર ધારણ કરો. ॥ ૧૫૭
તો જલ્દી સ્નાનગૃહ તરફ જાવ, સ્નાન કરો. વિલેપન કરો અને એકદમ જેલમાં પૂરાયેલા અલંકારોને બહાર કાઢો. ।। ૧૫૮ ||
આ પ્રમાણે સાસુના આદેશથી વિકસ્વર થયેલા રોમાંચના કંચુકવાળી, હર્ષના ઉત્કર્ષથી શરીરમાં અને ઘરમાં પણ નહિ સમાતી પુત્રવધૂઓ ત્યારે ઊતાવળ કરવા લાગી. ।। ૧૫૯ ||
ત્યારે ભદ્રાનો આદેશ પામી અત્યંત ખુશ થયેલો, પરસ્પર ‘પૂર્ણપાત્ર’નો ઇચ્છુક દાસ-દાસી આદિનો પરિવાર પણ મુક્તપણે આનંદથી શોર બકોર કરવા લાગ્યો. (વસંત વગેરે ઉત્સવોના સમયમાં મિત્રો એકબીજાના વસ્ત્રપાત્ર વગેરે બળાત્કારે ખેંચીને ઝુંટવી લે તે ‘પૂર્ણપાત્ર’ કહેવાય છે.) || ૧૬૦ ||
| T2
HXH
પ્રક્રમ-દ
॥ ૪૮૪ ॥
