Tarak Tattvagyan

SR No.: 008960
Original Sutra Author: N/A
Author: Meghdarshanvijay
Publisher: Akhil Bharatiya Sanskrutirakshak Dal
Total Pages: 186
Language: Gujarati
Classification: Book_Gujarati, Philosophy, & Religion
File Size: 2 MB

Page 145

વર્તમાનકાળમાં ઘણા સુખી જીવો ભોગ-વિલાસમાં ચકચૂર જણાય છે. ભરપૂર વિલાસી જીવન તેઓ જીવે છે. મર્યાદાઓને તો તેમણે તૈિલાંજલિ આપેલી જણાય છે. ભોજન બાબતમાં આયુર્વેદના એકપણ નિયમોનું અજાણતાં ય પાલન કરતા કેટલાક જણાતા નથી. બ્રહ્મચર્ય બાબતમાં પણ મર્યાદા સાચવતા. નથી. તેવા ખાવા-પીવાના લંપટ અને કામી જીવોનું જીવન આયુર્વેદની માન્યતા અનુસાર કદી લાંબુ હોઈ શકે નહિ. કદાચ તે વ્યકિત લાંબુ જીવે તો પણ તેનું શરીર નિરોગી ન હોઈ શકે.
આમ છતાં ય જો આયુર્વેદના ભોજન અને બ્રહ્મચર્ય સંબંધિત નિયમોને વ્યવસ્થિત રીતે નહિ પાળનારાઓમાંથી કેટલાકનું જીવન દીર્ઘ અને નિરોગી જણાતું હોય તો તેમાં તેના પુણ્યકર્મને કારણ માનવું જ રહ્યું.
જેનું પુણ્ય જોર મારે છે, તેનો અત્યંત વિષમ સ્થિતિમાં કોઈ વાળ પણ વાંકો કરી શકતું નથી.
હુમાયુની પાછળ દુશમનો પડ્યા. તરત ભાગી છૂટવા સિવાય હુમાયુ પાસે કોઈ રસ્તો નહોતો. જાનના જોખમે પણ હુમાયુની ઈચ્છા એક જ મહિનાની ઉંમરના પોતાના પુત્ર અકબરને બચાવવાની હતી.
નાનકડા બાળ અકબરને કમરે બાંધીને ઘોડા ઉપર બેસી હુમાયુ નાસી છૂટયો. દુશ્મનોએ તેનો પીછો પકડ્યો. પાછળથી બાણની વર્ષા શરૂ કરી.
હુમાયુએ ઝડપ વધારી. ગમે તે ક્ષણે પાછળથી આવનારું બાણ અકબરને યમસદન પહોંચાડી દે તેવી શક્યતા હતી. બાણની વર્ષા તીવ્ર બની.
છતાં હુમાયુ અકબરને હેમખેમ લઈને, સુરક્ષિત કિલ્લામાં પ્રવેશી ગયો. કોડીબંધ બાણો હુમાયુને ખભા ઉપર વાગ્યાં પણ બાળ અકબરને એક પણ બાણ ન વાગ્યું આનું જ નામ અકબરનું પુણ્ય ! - રાવણની બહેન શૂર્પણખાનો દીકરો શબૂક! ચન્દ્રહાસ ખ ગ પ્રાપ્ત કરવા બાર વર્ષ ને સાત દિવસની સાધના કરવા જંગલમાં ગયો. ૧ ૨ વર્ષને ૪ દિન સુધી ઊંધા મસ્તકે લટકીને ઘોર સાધના કરી. તલવાર આકાશમાં ઘણી નીચે પણ આવી,
છતાં ય તે તલવાર સંબૂકને તો ન જ મળી. અરે ! તલવાર મળવાની વાત તો દૂર રહો, તેને મોત મળ્યું !
બન્યું એવું કે રામ-લક્ષ્મણ-સીતાજી તે જ જંગલમાં આવ્યાં હતાં. તલવાર દેખાતાં જ લક્ષ્મણજીએ છલાંગ લગાવી અને વગર સાધનાએ તે તલવાર તેમના હાથમાં આવી ગઈ. તલવાર કેવી પાણીદાર છે, તે જોવા વનસ્પતિની ઝાડીમાં તલવાર ફેરવતા તેની પાછળ સાધના કરતા શંબૂકનું