________________
[२७] १९ जो खणइ सो पडइ
इह आसि वसंतपुरे परोंपर नेह-निम्भरा मित्ता । खत्तिय-माहण-वाणिय-सुवण्णयार त्ति चत्वारि ॥१॥ ते अत्थविढवणत्यं चलिया देसतरं नियपुराओ । पत्ता परिभमंता भूमिपइट्ठम्मि नयरम्मि ॥२॥ रयणीइ तस्स बाहिं उज्जाणे तरुतलम्मि पासुत्ता । पढमपहरम्मि चिट्ठइ जग्गंतो खत्तिओ तत्थ ॥३॥ पेच्छइ तरुसाहाए पलंबमाणं सुवण्णपुरिसं सो। विम्हियमणेण भणिय अणेण सो एस अत्यो त्ति ॥४॥ कणयपुरिसेण संलत्तमत्थि अत्यो परं अणत्थजुओ। तो खत्तिएण वुत्तं जइ एवं ता अलं अम्ह ॥५॥ बीए जामे जग्गेइ माहणो सो वि पिच्छइ तहेव । तइयम्मि वाणिओ तं दखूण न लुब्भए तम्मि ॥६॥ जग्गइ चउत्थजामे सुवष्णयारो सुवण्णपुरिस त । दण विम्हियमणो भणइ इमं एस अत्थो त्ति ॥७॥ पुरिसेण जंपियं एस अथि अत्थो परं अणत्थजुओ। जैपइ सुवण्णयारो न होइ अत्थो अणत्थजुओ ॥८॥ पुरिसो जंपइ तो किं पडामि ? पडसु ति जंपइ कलाओ। पडिओ सुवण्णपुरिसो छिंदइ सो अंगुलिं तस्स ॥९॥
