________________
૩૬
હવે આ વાત પર વિચાર કરવો જોઈએ કે બન્ને મનુષ્યોએ આ મરેલી તથા જડ સ્ત્રીના શરીરને દેખીને અલગ અલગ ભાવનાના વશથી પાપ-પુણ્યનો બંધ કર્યો આ દાખલાથી સિદ્ધ થાય છે કે પાપ-પુણ્યનું ફલ ફક્ત આપણી આંતરિક ભાવનાથી જ મલે છે. ભગવાન વીતરાગ તો ન કોઈને સુખી અને ન કોઈને દુઃખી કરે છે અને ન તો કોઈને પુણ્ય અને ન તો કોઈને પાપ આપે છે. ભગવાન તો ખરેખર વીતરાગ જ છે.
કોઈ વસ્તુને દેખીને જે ભાવ ઉત્પન્ન થાય છે. તે વસ્તુ તો તે ભાવોને ઉત્પન્ન થવામાં નિમિત્ત કારણ છે. આ પ્રમાણે જ ભગવાનની મૂર્તિ પણ નિમિત્ત કારણ છે. ખરેખર તારવાવાળી તો આપણી આંતરિક ભાવના જ છે. પરન્તુ નિમિત્ત વિના ભાવના આવી શકતી નથી. તે કારણથી ભગવાન વીતરાગની મૂર્તિ પણ વિશેષ નિમિત્ત કારણ છે, જે કોઈને પણ જે પ્રમાણે નિમિત્ત પ્રાપ્ત થાય છે. તેઓને તે પ્રમાણે જ ભાવ પ્રગટ થાય છે. મૂર્તિપૂજક તો શુભભાવ આવવાથી પુણ્યનું ઉપાર્જન કરી લે છે અને મૂર્તિનિંદક ભગવાન વીતરાગની મૂર્તિને દેખીને ભ્રકુટી (ભવાં) ચઢાવીને દુષ્ટભાવ હૃદયમાં લાવીને પાપનું ઉપાર્જન કરી લે છે. હવે તમો જરાક સાંસારિક વ્યાપાર તરફ પણ દૃષ્ટિ કરો કે ત્યાં પણ મૂર્તિ વિના ક્યારેય ચાલી શકે નહીં...
