________________
ક્ષણિકનો બોધ અને નિત્યનો અનુભવ
eeeeeeeeeeeeeeeeeeoo o oooooooooooooooooooઅજ્ઞાનીની સંપત્તિ જ જ્ઞાનીની વિપત્તિ
અજ્ઞાનીને બાહ્ય ભૌતિક પદાર્થોમાં સુખબુદ્ધિ હોવાથી તે બાહ્ય સાધનોને જ પોતાની સંપત્તિ માને છે. જ્યારે શાનીની દ્રષ્ટિમાં અશાનીની સંપત્તિ જ વિપત્તિ છે. અજ્ઞાની પોતે મોહાવેશથી અત્યંત દૂરવર્તી જડપદાર્થોમાં પણ પોતાપણું કરે છે. પરિણામ સ્વરૂપે તેદુ:ખી જ થાય છે.
એક કરોડપતિ મુંબઈની ચોપાટી પર પોતાની ગાડીમાંથી એક કરોડ રૂપિયા ભરેલી બેગ લઈને નીચે ઉતર્યો. તેણે પોતાના કોટના ખિસ્સામાંથી દીવાસળી કાઢી, તે જેવો એક કરોડ રૂપિયા સળગાવવા જઈ રહ્યો હતો કે થોડી જ વારમાં લોકોનું ટોળું એકઠું થઈ ગયું. લોકો કહેવા લાગ્યા કે આ વ્યક્તિ નિશ્ચિતરૂપે પાગલ થઈ ગઈ છે, કારણ કે આખી દુનિયા જે રૂપિયા પાછળ પાગલ થઈ રહી છે, આ વ્યક્તિ તે રૂપિયાને સળગાવી રહી છે.
જ્યારે લોકો તેને પાગલ, પાગલ કહેવા લાગ્યા, ત્યારે તે કરોડપતિ બોલ્યો, મારાથી પણ વધુ પાગલ તમે છો. કારણ કે પાગલને દેખવા માટે એકત્રિત થયા છો. પણ ભાઈ! તુ કંઈક એવું કરી રહ્યો છો કે જે પાગલ જ કરે, તેથી અમે અહીં ઉભા છીએ, લોકોએ કહ્યું.
કરોડપતિએ સ્પષ્ટ કરતા કહ્યું કે જે એક કરોડ રૂપિયાને હું સળગાવી રહ્યો છું, તે બે નંબરનું કાળુનાણું છે. મને સમાચાર મળ્યા છે કે આજે રાત્રે મારા ઘરે ઈન્કમટેક્ષના છાપા પડવાના છે. જો હું આ કરોડ રૂપિયા ન સળગાવું તો મને આજીવન કેદની સજા થશે. તમારી દ્રષ્ટિમાં આ એક કરોડ રૂપિયા સંપત્તિ છે, પણ મારી દ્રષ્ટિમાં મહાવિપત્તિ છે. દેખનાર લોકોની દ્રષ્ટિમાં સંપત્તિ સળગી રહી છે, સળગાવનારની દ્રષ્ટિમાં ભવિષ્યમાં થનારી આજીવન કેદ સળગી રહી છે.
