________________
तत्तो सेणावइणा, पुट्ठा तप्पासवत्तिणी चेडी । चूयलइयत्ति नामं, - 'वुत्तंतमिमीए ममं कहसु' ॥ सा भणइ 'सुणसु, सेट्ठी, कोसंबिपुरीए अत्थि जिणदत्तो । तस्स धीय'त्ति सोउं, सो पल्लिवई गओ मोहं ॥ सत्थीहूओ य पुणो, भिच्चेहिं कयलिपत्तपरिविइओ । भणइ 'मह देहसविया, भो!; जं गहियं तमाणेह' ॥ तेहिं पितमाणीयं पुरओ पियदंसणाए काऊण । भणियं पल्लीवइणा, 'सुंदरि ! जं नत्थि तं हसु ॥ मोत्तु भयं; जेणऽम्हं, जीवियदाइस्स होसि तं धीया । न य जाणासि तुमं ता, साहेमि सुणाहि खणमेत्तं ॥ अम्हेहि उपविट्ठा, [वच्छ ] विस पुराऽऽसि चोरीए । गिरिगामे य पियंता, गोवेलाए कह वि नाउं ॥ विसयपालस्स गहिया, पुरिसेहि; साहिया य नेऊणं । माणभंगस्स रण्णो, कोसंबीपुरीऍ तेणाऽवि || क (व)ज्झा आणत्ता बहि, निज्जामो; तुह पिया य पुरिमेइ । जच्चासारूढो धरि-यधवलछत्तो नराइन्ना (न्नो? ) ॥
सोउं च तेण विरसं, डिंडिमसद्दं निएत्तु जणनिवहं । पट्टविया नियपुरिसा, तिणि 'किमेयं ? 'ति सुद्धिक ॥ तेहिं वि सम्मं पुच्छिय, गएहिं से साहिओ अम्ह वृत्त । तो पट्ठविया पुण ते, तुह पिउणा भणिउमाढत्ता ॥ " एस जिणयत्तसेट्ठी, पविसइ नयरिं जओ जिणगिहाओ । कयपोस[ह]-उववासो, ता भो मुंचह इमे जेण ॥ पोसहपारणयदिणे, एसो बंधणट्ठियाण सत्ताणं । काऊण बंदिमोक्खं, दाऊण य किं पि पारेइ || नियपुरिसा पट्टविया, एएन्नं (णं) दोन्नि नरवइसमीवं । एएसि मोयणट्ठा, मुयह अओ जीविया एए" ॥ रायपुरिसेहिं सहिओ, आओ एत्थंतरंमि तुज्झ पिया । दट्ठूण य तं एंतं, मुक्का अम्हे वि तेहिंतो ॥ सम्माणिऊण य तओ, वत्थासण-पाण-गंध-कुसुमेहिं । तुज्झ पिउणा उ सुंदरि ! तत्तो वीसज्जिया अम्हे || भणिऊण ढं "पावं, तुब्भेहि सया पुणो न कायव्वं । कज्जंमि य उप्पन्ने, अहमेवऽब्भत्थणिज्जो उ" ॥
-
-
[२]
-
अम्हेहि वितं वयणं, महाणुभावस्स तस्स पिय (पइ) दियहं । विवरीयं सेवंते-हिं पाविया तं इमं वसणं ॥
