________________
२०७०
आचारांगसूत्रे अहोनिसं सव्वपाणभूयहियं । साहटु लोमपुलया सव्वे देवा निसामिति ॥२॥ तओ णं समणस्स भगवओ महावीरस्स सामाइयं खओवसमियं चरित्तं पडिवन्नस्स मणपज्जवनाणे नामं नाणे समुप्पन्ने अड्डाइ. ज्जेहिं दोवेहिं दोहिय समुद्दे हिं सन्नीणं पंचिंदियाणं पजत्ताणं वियत्तमणसाणं मणोगयाइं भावाइं जाणेइ, तओ णं समणे भगवं महावीरे पवइए समाणे मित्तनाइसयणसंबंधिवर्ग पडिविसज्जेइ, पडिविस जित्ता इमं एयारूवं अभिग्गहं अभिगिण्हइ बारस वासाई वोसटकाए चियत्तदेहे जे केइ उवसग्गा समुप्पज्जंति, तं जहा-दिव्वा वा माणुस्प्ता वा तेरिच्छिया वा, ते सव्वे उवसग्गे समुप्पन्ने समाणे सम्मं सहिस्सामि खमिस्सामि अहिआसइस्सामि, तओणं समणे भगवं महावीरे इमं एया. रूवं अभिग्गहं अभिगिण्हित्ता वोसिट्ठचत्तदेहे दिवसे मुहुत्तसेसे कुम्मारगामं समणुपत्ते, तओ णं समणे भगवं महावीरे वोसिट्चत्तदेहे अणुत्तरेणं आलएणं अणुत्तरेणं विहारे एवं संजमेणं पग्गहेणं संवरेणं तवेणं बंभचेरवासेणं खंतीए मुत्तीए समिईए गुत्तीए तुट्टीए ठाणेणं कमेणं सुवरियफलनिव्वाणमुत्तिमग्गेणं अप्पाणं भावेमाणे विहरइ, एवं वा विहरमाणस्स जे केइ उवसग्गा समुप्पज्जति-दिव्वा वा माणुस्सा वा तिरिच्छिया वा, ते सव्वे उबसग्गे समुप्पन्ने समाणे अगाउले अवहिए अद्दोणमाणसे तिविहमणवयणकायगुत्ते सम्म सहइ खमइ, तितिक्खइ अहियासेइ, तओ णं समगस्स भगवओ महावीरस्स एएणं विहारेणं विहरमाणस्स बारस वासा वीइक्कंता, तेरसमस्स य वासस्त परियाए वट्टमाणस्त जे से गिम्हागं दुच्चे मासे चउत्थे पक्खे वइसाहसुद्धे तस्स णं वेसाहसुद्धस्त दसमी पक्खेणं सुव्वएणं दिवसेणं विजएणं मुहत्तेणं हत्थुत्तराहिं नक्खत्तेणं जोगोवगएणं पाईणगामिणीए छायाए बियत्ताए पोरिसीए जंभियगामस्त नगरस्त बहिया नईए उज्जुवालियाए उत्तरकूले सामागस्स गाहावइस्स कट्टकरणंसि उड़े जाणू
श्री मायासंग सूत्र :४
