________________
(પ)
કરાવવાનો પરંપરાથી ચાલ્યો આવતો અધિકાર પ્રાપ્ત પરમ પૂજ્યપાદ ધર્મગુરુઓએ કયાંય નિષેધ કરેલ નથી, તેમ જ ધર્મક્ષેત્ર કે ધર્માદુક્ષેત્ર એ ઉભય ધર્મક્ષેત્રરૂપે હોવાથી ભિન્ન ક્ષેત્રો છે એવો ભેદ જણાવેલ નથી. કારણ કે ઉભય શબ્દપ્રયોગો એક ધાર્મિકક્ષેત્ર સ્વરૂપે જ હોવાથી.
શ્રી શ્રમણ પ્રધાન ચતુર્વિધ જૈનસંઘે સ્વોપાર્જિત દ્રવ્યથી આત્મકલ્યાણ અર્થે ધર્મભાવનાથી નિર્માણ કરાવેલ જિનાલયો આદિ ધાર્મિક સંપત્તિ ઉપર એકમાત્ર શ્રી જૈન સંઘનો જ ત્રિકાલાબાધિત અધિકાર છે, તે ત્રિકાલાબાધિત અધિકારને ભેદી ચાલપૂર્વક બળાત્કારે દૂર કરીને ગર્ભિત રીતે સ્વઅધિકાર ન હોવા છતાં પોતાનો અધિકાર સ્થાપિત કરવાની મહાકાતિલ છલનાભરી કૂટ ચાલથી સત્તાના જોરે બળાત્કારે ટ્રસ્ટ એકટને અનુસરવું જ પડે તેવું અનિવાર્ય બનાવ્યું.
ટ્રસ્ટ એક્ટ વિનાના ધાર્મિક સંપત્તિના તંત્ર સંચાલનમાં એક રાતી પાઇનો ખર્ચ કે બોજો ન હતો, અને ઉપરાંત સહજભાવે ધાર્મિક સંપત્તિમાં અભિવૃદ્ધિ થતી હતી. ત્યારે આધુનિક ટ્રસ્ટ એક્ટ પદ્ધતિવાળું તંત્ર સંચાલન એટલે જિન આજ્ઞાની ઘોર હત્યા, અને પ્રતિ વર્ષે ધાર્મિક દ્રવ્યોનો હજારો લાખ્ખો રૂપિયાનો ધૂમાડો થઈ રહ્યો છે એવું જાણવા સમજવા છતાં ધર્મદ્રવ્યના થતા ધૂમાડાને અટકાવી શકતા નથી. ધર્મદ્રવ્યોનો દુર્વ્યય-ધૂમાડો એટલે ઉત્કૃષ્ટથી અનન્તકાળ પર્યન્ત નરક નિગોદમાં અનંતયાતના દુઃખ સહન કરતાં સડવું સબડવું પડે એવું ઘોર મહાપાપ છે.
ધાર્મિકક્ષેત્રે અને ધર્માદુક્ષેત્રે એ રીતે થતા શબ્દ વ્યવહારને જ્ઞાનીઓએ તો ધર્મક્ષેત્રરૂપે જ જણાવેલ છે, પણ ઉપકાર અને લાભની દ્રષ્ટિએ ઉચ્ચસ્તરીય અને નિમ્નસ્તરીય ધર્મક્ષેત્રના આકાશ પાતાળ જેટલું મહત્તમ અંતર હોવાથી નિમ્નસ્તરીય ધર્મક્ષેત્રનાં
