________________
(૬)
અક્ષતાદિના ભક્ષણથી જીભાદિ કપાવા જેવી સામાન્ય શિક્ષા થવી પણ શક્ય ન હોય ! તો અનન્તકાળ પર્યત ધનોતપનોત નીકળે તેવા
અનન્તદુઃખના ડુંગરો નીચે દબાઈ રહેવું પડે એવી આકરી શિક્ષા શી * રીતે સમ્ભવે ? આ તો જૈનાચાર્યો જ્ઞાનમદથી મદોન્મત્ત બનીને
ભાવાવેશમાં ચકચૂર બનીને નિરંકુશપણે મન ફાવતું બફાટ કર્યે જ ગયા છે. આચાર્યોની આ માયાજાળ છે. ધનોતપન નીકળવાની મનોઘડંત કપોલકલ્પિત વિના વજૂદની વાહિયાત વાતોથી ભોળવાઈને ભલે ભલા ભોળા ભટાક જીવો વિશ્વાસ કરે, પણ અનેક મોટી મોટી ધાર્મિક અને સામાજિક સંસ્થાઓમાં સંકળાયેલ એવા અમે જૈનાચાર્યોના સંપર્કમાં આવી ચૂક્યા છીએ. દેવદ્ર યાદિ ધાર્મિક દ્રવ્ય અંગે અનેક તર્ક દલીલો કરી, ચર્ચા કરીને પણ અમને જૈનાચાર્યો સંતોષી શક્યા નથી. એમની કપોલકલ્પિત ઉપજાવી કાઢેલી ““બાબા વાક્ય પ્રમાણમ્” જેવી વાહિયાત વાતોથી ભોળવાઈને અમે તો વિશ્વાસ કરીએ તેમ નથી. પરંતુ અમારામાં શક્તિ અને સમજ હશે, ત્યાં સુધી તો અમે એનો સજ્જડ વિરોપ કરીશું. આ છે વામમાર્ગી કાળમીંઢ વિદેશી શ્વેતપાશ્ચાત્યોના મહાઅભિશાપરૂપ કાતિલ કુતર્કોના કુછંદે ચઢવાનું પરિણામ.
દેવદ્રવ્યના ભક્ષણથી અનન્ત સંસાર, અને વિદ્રવ્યના રક્ષણથી તીર્થંકરપદ એવું ડિડિમ પડઘમ વગાડીને જૈનાચાર્યો ભોળા ભટાક બાળ જીવોને ભોળવી રહ્યા છે. પરંતુ આચાર્યો એ વાત કેમ ભૂલી જાય છે ? કે દેવાધિદેવ તો પરમ અકિંચન છે. તે મને દ્રવ્યાદિ અર્પણ કરીને તેમજ તેમના નામે દ્રવ્યાદિ રાખીને પરમ અકિંચન દેવાધિદેવને શા માટે પરિગ્રહધારી બનાવો છો ? જૈનોના છોકરા ભૂખે મરતા હોય, અને જૈનાચાર્યો દેવદ્રવ્ય દેવદ્રવ્ય કૂટે જ રાખે છે. અન્ય ધર્મના આચાર્યો કે વડેરાઓ જમાનો ઓળખીને એમનાં ધાર્મિક
