________________
(૧૪) થયા. મસ્તક ઉપર ધારણ કરેલ શ્વેત છત્રથી શોભતા હતા. ચતુરંગી સેના સહિત નગર પ્રવેશ અર્થે પ્રસ્થાન કરવાથી માર્ગ આશ્ચર્યકારક જણાતો હતો. વિવિધ વાજિંત્રોના પંચ શબ્દમય સુમધુર ધ્વનિથી સમસ્ત બ્રહ્માંડ પુરાઈ ગયું હતું. સમસ્ત નગર તોરણો અને ઉન્નત ધ્વજા-પતાકાઓથી શણગારવામાં આવ્યું હતું. સ્થાને સ્થાને વિવિધ પ્રકારના આશ્ચર્યમુગ્ધ બનાવે તેવાં નાટકો થતાં હતાં. માર્ગમાં સર્વત્ર સુગંધી જળ છાંટીને તેના ઉપર પૂરેલા મોતીના સ્વસ્તિકો સ્પષ્ટ જણાતા હતા. આશ્ચર્યમુગ્ધ બનાવે તેવા વિવિધ વર્ણોવાળા ચિત્રાંકિત ઉલ્લોચ (ચન્દ્રવા) બાંધેલ પેઢીઓ હાટોની શ્રેણીથી સુશોભિત રાજમાર્ગથી શ્રી સમુદ્રપાળ રાજાએ શુભ શકુન-શુભ મુહૂર્ત નગર પ્રવેશ કર્યો. ત્રણ દિવસ રાજ્યના તંત્ર સંચાલનની સુવ્યવસ્થા કરીને મહાસમૃદ્ધિ-વિરાટસેના રાજરત્નો અને અન્નપુર આદિ પરિવાર સહિત શ્રી શત્રુંજય મહાતીર્થ ઉપર આરોહણ કર્યું. પરમ ઉત્તમ મહામૂલ્યવતી પૂજનની સામગ્રીથી શ્રી આદીશ્વરજી પરમાત્માની સિદ્ધાન્તોક્ત સ્નાત્રાદિ સત્તરભેદી પૂજા કરી. પૂજાનો આનંદ હૈયામાં માયો સમાતો ન હતો. અત્યુલ્લાસથી અગણ્ય અને એકધ્ય દાન કર્યું. શ્રી નાગશ્રેષ્ઠિવર્યના નામથી પરમાત્માનો અણગ્નિકા મહોત્સવ ઊજવીને પૂજા ભોગાદિક પુણ્યાનુબંધિપુણ્ય પરમ સુઅધિકારી બનાવે તેવા પરમ મહામાંગલિક તારક કાર્યોના આયોજનોમાં શ્રી નાગશ્રેષ્ઠિવર્યની પોતાને પ્રાપ્ત થયેલ સર્વસ્વ દ્રવ્યનિધિનો પરમ સુવિનિયોગ કર્યો.
અત્યુલ્લાસથી પરમાત્માની પૂજા સેવા કરવાપૂર્વક શ્રી અષ્ટાનિકા મહોત્સવ ઊજવીને અનંત પરમતારક શ્રી જિનશાસનની તત્કાલીન અપૂર્વ પ્રભાવના કરી. ત્યાર પછી શ્રી સિદ્ધાચળજી મહાતીર્થથી જયણાપૂર્વક નીચે ઊતરીને શ્રી કાંચનપુર નગર પ્રતિ પ્રયાણ કર્યું. તેવામાં માર્ગમાં વણિકના રાજ્યને નહીં સહન કરનારા કેટલાક દુષ્ટ
