________________
(૧૪૯) કામદેવની પૂજાનો અભિગ્રહ છે. ત્યારપછી હું પાણિગ્રહણ કરી શકીશ.” એમ કહીને તે ફરીથી બોલી કે- “મને આકાશગામિની વિદ્યા આપ, કે જેથી હું આકાશમાર્ગે આ વનમાં આવીને નિરંતર કામદેવની પૂજા કર.” ત્યારે મેં પણ સરળ ભાવથી તેને માત્ર પાઠ કરવા માત્રથી સિદ્ધ થાય તેવી આકાશગામિની વિદ્યા આપી. તેથી તે નિરંતર અહીં આવીને પૂજા કરે છે. આજે તેનો અવધિ પૂર્ણ થયો છે, તો પણ મારું અંગીકાર કરેલું વચન સ્વીકાર કરતી નથી. તેથી તેને હું શિક્ષા આપું છું. તો તમારે આવી અસત્યવાદી સ્ત્રીનો પક્ષપાત કરવો યોગ્ય નથી.' એમ કહીને તે યોગી તેણીને મારવા લાગ્યો, તે જોઈ કુમારને દયા આવવાથી તેણે યોગી સાથે યુદ્ધ કર્યું. અને તેને દૂર ભગાડ્યો પછી પ્રસન્ન ચિત્તવાળી તે સ્ત્રીએ કુમારને કહ્યું કે- “ હે સુરસિંહકુમાર ! હું ઘણા કાળથી તમારી વાંચ્છા કરું છું. માટે મારું પાણિ ગ્રહણ કરો.' કુમારે કહ્યું કે- “તું કોણ છે ? અને સુરસિંહને તું શી રીતે ઓળખે છે?” તે બોલી કે પ્રથમ મારું પાણિ ગ્રહણ કરો, પછીથી સર્વ વૃત્તાંત કહીશ. વિલંબ કરવાથી લગ્નનું શુભ મુર્ત વ્યતીત થઈ જશે. કુમારે તેની સાથે ગાંધર્વવિધિએ લગ્ન કર્યા. પછી નવદંપતી પરસ્પર એકબીજાનું વૃત્તાંત પૂછે છે, તેટલામાં કોઈએ અદ્ગશ્યપણાથી તે કુમારનું અપહરણ કર્યું. અને તેને ગંગા તથા સમુદ્રના સંગમ પાસેના નગરમાં મૂક્યો. કુમારે નગરમાં પ્રવેશ કર્યો. પરંતુ સર્વ નગર શૂન્ય હતું, કોઈ પણ પ્રાણી દૃષ્ટિએ પડ્યું નહીં. ચાલતાં ચાલતાં કુમાર રાજમહેલ પાસે આવ્યો. મહેલ ઉપર ચઢવાનો પ્રારંભ કર્યો. ચાર માળ ચઢ્યો, ત્યારે ત્યાં એક પલંગ ઉપર ભયાનક સિંહ બેઠેલો તેણે જોયો. કુમાર ભયરહિત તેની પાસે ગયો. તેવામાં તે સિંહે પોતાના મુખમાંથી રૂપ પરાવર્તન કરનારી ગોળી કાઢી લીધી તો તે સિંહ મનોહરરૂપ લાવણ્ય યુક્ત કન્યા થઈ ગઈ. તે જોઈ કુમારે પૂછ્યું“આ શું?” ત્યારે કન્યા બોલી કે- “હે કુમાર ! આ કથા મોટી છે,
