Page Text
________________
આવ્યા હોય એમ જણાય છે, કારણ કે એમણે સંવત ૧૬૭૬ માં “નિબાજ પાધી સ્તવન” અને “તપ ૫૧ બેલ ચોપાઈ'ની રચના રાજસ્થાનમાં જ કરેલી છે. સંવત ૧૬૭૬ પછી ગુણવિનયની કોઈ રચના અત્યારે ઉપલબ્ધ નથી. આથી સંભવ છે કે તે પછીના થોડા સમયમાં ગુણવિનય. રાજસ્થાનમાં જ ક્યાંક કાળધર્મ પામ્યા હોય. સંવત ૧૬૭૭માં તેઓ જે કાળધર્મ પામ્યા હોય તે પણ ઓછામાં
ઓછું બાસઠ વર્ષનું આયુષ્ય એમનું અવશ્ય હોય. સંવત ૧૬૪૧ માં “ ખંડ* પ્રશસ્તિ ની ટીકા લખતી વખતે એમની ઉંમર પચ્ચીસ કરતાં વધારે હોય અને સંવત ૧૬૭૬ ની રચના પછી તેઓએ ભલે કઈ રચના ન કરી હોય પણ કેટલાંક વર્ષનું શેષ શાંત જીવન વિતાવ્યું હોય તે ગુણવિન્યનું આયુષ્ય સિત્તર વર્ષ કરતાં પણ વધુ હેવાને સંભવ છે. નવી સામગ્રી ઉપલબ્ધ થતાં ભવિષ્યના સંશોધકે અને ઇતિહાસકારો આના ઉપર વધારે પ્રકાશ પાડી શકશે. 1 ગુણવિનયે સંસ્કૃતમાં અને જૂની ગુજરાતીમાં લગભગ પચાસેક દીર્ધ કૃતિની રચના કરી છે. આ ઉપરાંત એમણે સ્તવન, સઝાય, પદ વગેરે ગીતના પ્રકારની ભિન્ન ભિન્ન રાગરાગિણીમાં પુષ્કળ રચના કરી છે, જેમાંની ઘણી રચનાઓ તે અત્યારે પણ ઉપલબ્ધ છે. ગ્રંથભંડારમાંથી હજુ બીજી રચનાઓ મળી આવે એ સંભવ પણ છે.
ગુણવિનયે દીક્ષા પછીના આરંભના કાળમાં સંસ્કૃત ભાષામાં ટીકા અથવા વૃત્તિના પ્રકારની રચનાઓ મુખ્યત્વે કરી છે. સંવત ૧૬૪૧ થી સંવત ૧૬૫૬ સુધીમાં એ પ્રકારની રચનાઓ વિશેષ મળે છે. સંવત ૧૬૫૬ થી સં. ૧૬ ૭૬ સુધીના ગાળામાં રાજસ્થાની -ગુજરાતી ભાષામાં રાસ, પાઈ, પ્રબંધ, સ્તવન, ઇત્યાદિ પ્રકારની રચના કરેલી વિશેષ જોવા મળે છે. ગુણવિનયની રચનાઓ નીચે મુજબ છે :
ખંડ પ્રશસ્તિ વૃત્તિ (સં. ૧૬૪૧), નેમિદૂત કાવ્ય વૃત્તિ (સં. ૧૬૪૪), નલચપૂ વૃત્તિ (સં. ૧૬૪૯), રઘુવંશ વૃત્તિ (સં. ૧૬૪૬), વૈરાગ્યશતક વૃત્તિ (સં. ૧૯૪૭), સબોધ સપ્તતિ વૃત્તિ (સં. ૧૬૫૧), કર્મચન્દ્ર વંશપ્રબંધ વૃત્તિ (સં.૧૬૫૬), લઘુશાંતિ વૃત્તિ (સં. ૧૬૫૯), ઈન્દ્રિય પરાજ્ય શતક વૃત્તિ (સં. ૧૬૬૪), લઘુ અજિત શાંતિ વૃત્તિ, ઋષિમંડલ અવચૂરિ વૃત્તિ, શીલપદેશમાલા લઘુવૃત્તિ, બૃહદસંગ્રહણ બાલાવબોધ, આદિનાથ સ્તવન બાલાવબોધ, નમુત્થણું બાલાવબેધ, જય તિહુઅણ સ્તોત્ર બાલાવબોધ, ભક્તામર ટબા, કલ્પસૂત્ર બાલાવબોધ, સાધુ સમાચારી, ચરણ સત્તરી-કરણ સત્તરી ભેદ, સત્ય શબ્દાર્થ સમુચ્ચય, ભાવપદ વિવેચન, મિતભાષિનિ વૃત્તિ, તપગચ્છ-ચર્યા, ગીતસાર ટીકા, હડિકા (સં. ૧૬૫૭),
| SR No. | 005893 |
| Book Title | Naldavdanti Prabandh |
| Original Sutra Author | N/A |
| Author | Ramanlal C Shah |
| Publisher | Gurjar Granthratna Karyalay |
| Publication Year | 1980 |
| Total Pages | 104 |
| Language | Gujarati |
| Classification | Book_Gujarati |
| File Size | 6 MB |