________________
જીરણ જિતહર ઉધરયઉં, કલિયુગ કરિ(ર)ણી સાર લાલ રે, વીર વદઈ જિન સાસણુઈ, પુણ્યના ભંડાર લાલ રે ! સંવત સેલ પચિતરઈ (૧૬૭૫) માગશિર માસ ઉદાર લાલ રે, શુકલ પક્ષિ બારસ દિનઈ, જગ નક્ષત્ર શુભવાવ લાલ રે
આ પાંચે મંદિરે પણ શેઠ થાહરૂશાહે બંધાવ્યાં છે.
શેઠ થાહરૂશાહજી મોટા ધનવાન તેમજ પુણ્યાત્મા હતા. તેમને યશ બધે ફેલા હતા. પરંતુ ધનવાન બન્યાની વાત ઘણું વિચિત્ર છે. કહેવાય છે કે ઘીને વેપાર કરતાં કરતાં શેઠજીને એક ચિત્રાવેલ (અમરવેલી) મળી ગઈ. તેનાથી બધાં કામે સફળ થઈ જાય છે. શેઠજી મુખ્યતઃ ઘીના વેપારી હતા. એક દિવસે રૂપસિયાથી એક સ્ત્રી ઘી વેચવા માટે ઘી લઈને આવી. શેઠજીએ તેનું ઘી ખરીદી લીધું. વીના ઘડાની નીચે તે બાઈએ ઈઢણી બાંધી હતી. શેઠજી ધી કાઢતા રહ્યા, પણ ઘી તો ખાલી થતું જ ન હતું. શેઠજીએ આશ્ચર્યથી ઘડાની નીચે જોયું તે તેની નીચે ચિત્રાવલ (અમરવેલી) તેમને મળી. શેઠજીએ ઈંઢણી તે બાઈને લઈને બીજી સુંદર અઢણું આપી દીધી. ચિત્રાવેલ મેળવીને શેઠજી ધનકુબેર થઈ ગયા અને ધનાઢયોમાં અગ્રેસર ગણાવા લાગ્યા. ભાગ્યશાળીઓને દેવયોગે સારી વસ્તુ મળી પણ જાય છે, જેથી. તેઓ બીજાં પણ સારાં કાર્યો કરી શકે. શેઠજીએ શ્રી આદિનાથજી, તથા શ્રી સંભવનાથજીનાં મંદિરો ઉપરાંત શ્રી ચિંતામણિ પાર્શ્વનાથ પ્રભુનું અત્યંત ભવ્ય તેમજ કલાપૂર્ણ મંદિર પણ બંધાવ્યું. તેમાં મૂળનાયક શ્યામવર્ણના સહસ્ત્રફણા શ્રી પાર્શ્વનાથ પ્રભુ બિરાજમાન છે, જેના પર નીચેને લેખ કરેલ છે.
