Jain Dharma Vigyanni Kasotie Ke Vigyana Jain Dharmni Kasotie

SR No.: 004553
Original Sutra Author: N/A
Author: Nandighoshvijay
Publisher: Bharatiya Prachin Sahitya Vaigyanik Rahasya Shodh Sanstha
Publication Year: 2003
Total Pages: 96
Language: Gujarati
Classification: Book_Gujarati & Science
File Size: 5 MB

Page 96

મુનિ નંદીઘોષવિજયજી ગણિ અને તેમનો શકવર્તી પ્રયાસ આમ તો જૈન સાધુઓમાં અભ્યાસની સામાન્ય પરંપરા તો હોય જ છે, પણ શ્રી, નંદીઘોષવિજયજી આગમોના અભ્યાસ ઉપરાંત એક અનોખા ચીલે ચાલી રહ્યા છે. જો તાઓ ઓફ ફિઝિક્સ શક્ય છે, જેમાં એક વૈજ્ઞાનિક અધ્યાત્મની કેડીએ જવા મથે છે, તો એ પણ વાભાવિક જ છે કે અધ્યાત્મનાં ચશ્માં ચડાવેલો કોઈ સાધુ વિજ્ઞાનનું પરીક્ષણ કરે. મુનિશ્રી કહે છે : “મને થયું કે આપણે પ્રતિક્રિયારૂપે શું કરવા સંશોધન કરવું જોઈએ ? પ્રાચીન ગ્રંથોનાં વૈજ્ઞાનિક તથ્યોની સરાણે આધુનિક વિજ્ઞાનનાં તથ્યો કેમ ન ચડાવી શકાય ?" આ જિજ્ઞાસામાંથી નંદીઘોષવિજય મહારાજનો વિજ્ઞાન અધ્યાત્મ પ્રવાસ શરૂ થયો. આ પ્રવાસ તો પહેલાં એકલપ્રવાસ હતો. પછી તેમાં વિજ્ઞાન-જગતનાં મોટાં માથાં સામેલ થતાં ગયાં. એના પરિપાકરૂપે મુનિ નંદીઘોષવિજયજીની પ્રેરણાથી ‘ભારતીય પ્રાચીન સાહિત્ય વૈજ્ઞાનિક રહસ્ય શોધ સંસ્થા Research Institute of scientific secrets from Indian Oriental scriptures'ની સ્થાપના થઈ. આ સંસ્થાની એક વેબ સાઈટ મુનિ શ્રી નંદીઘોષવિજયજીના માર્ગદર્શન અનુસાર તૈયાર કરવામાં આવી છે. જેનું નામ છે : http//www.jainscience-rissios.org મુનિ 48 વર્ષની વયના છે પણ તેમનો વિજ્ઞાનનો અભ્યાસ બે દાયકાથી ય વધુનો છે. એમના ગુરુ આચાર્ય શ્રી સૂર્યોદયસૂરિજી અત્યંત પ્રતિભાવાન જૈન સાધુ છે. એમણે શિષ્યને જૈન સિદ્ધાંતોની દૃષ્ટિએ આધુનિક વૈજ્ઞાનિક સિદ્ધાંતોનો અભ્યાસ કરવા ઉત્તેજન આપ્યું. - પહેલાં આઠ વર્ષના સાધુ જીવનના અભ્યાસમાં મુનિ નંદીઘોષવિજયે સંસ્કૃત અને પ્રાકૃત ભાષાઓમાં વિદ્વત્તા મેળવી અને જૈન આગમોની દ્રષ્ટિએ આધુનિક વૈજ્ઞાનિક વિચારનો અભ્યાસ એમણે શરૂ કર્યો. આ ગાળા દરમ્યાન એમણે ગુજરાતીમાં લખવાનું શરૂ કર્યું. જેના ફળસ્વરૂપ “જૈનદર્શનનાં વૈજ્ઞાનિક રહસ્યો” પુસ્તક બહાર પાડવામાં આવ્યું. આ પુસ્તકની પ્રસ્તાવનામાં ડો. પી. સી. વૈધે લખ્યું: “આમ જુઓ તો અધ્યાત્મ અને વિજ્ઞાન જુદા જુદા સ્તરના વિષયો છે. અધ્યાત્મ એ ચિંતનજન્ય પ્રવૃત્તિ છે, જ્યારે વિજ્ઞાન એ અનુભવજન્ય પ્રવૃત્તિ છે. મુનિ નંદીઘોષવિજયજી જૈન તત્ત્વપ્રણાલીના નિષ્ણાત તો છે જ, ખુશીની વાત તો એ છે કે તેમણે અનુભવજન્ય વિજ્ઞાન-પ્રણાલીને સમજવાનો ભરચક પ્રયત્ન કર્યો છે. આથી બંને પ્રણાલીઓ વચ્ચેના સંબંધ માટે તેમના વિચારો જાણવા રસપ્રદ થઈ પડશે.” મુનિના ગુજરાતી પુસ્તકનું અંગ્રેજી સંસ્કરણ પણ થયું છે. ભારતના હાલના રાષ્ટ્રપતિ ડો. અબ્દુલ કલામને એમણે આ અંગ્રેજી સંસ્કરણની પ્રસ્તાવના લખવા વિનંતી કરેલી. ડો. અબ્દુલ કલામે તે વખતે નમ્રતાથી એમ કહેલું કે ખગોળવિજ્ઞાનનો એમણે બહુ અભ્યાસ નથી તેથી સુપ્રસિદ્ધ વિજ્ઞાની ડો. જયંત વિષ્ણુ નારલીકર પાસે પ્રસ્તાવના લખાવવાની ભલામણ કરી હતી. - તુષાર ભટ્ટ, રેતીમાં રેખાચિત્રો, ગુજરાત ટાઈમ્સ, સપ્તક પૂર્તિ, પૃ. 4, ન્યૂયોર્ક, તા. 10 જાન્યુ. 2003 ISBN 81-901845-1-2 g