________________ मग्गाणुसारी पणतीसगुणजुत्तो धम्मकम्मसंजुत्तो / ववहार दव्वओ सो विण्णेओ सुगुरुपयसेवी // 1031 // नयसंपुण्णधणोहो सिट्ठायारप्पसंसओ सययं / नियकुलसीलेहि समं सगुत्तवज्ज कयवीवाहो // 1032 // पावाणुविक्खकारी विसिट्ठजणवयसुकिच्चकारिल्लो / कत्थ वि न अवण्णवाइ विसेसगुरुजणाईणे // 1033 // नो अणतिगुत्तगेहो सुसंगकारी न गेहबहुदारो / कयसुविहियमुणिसंगो अम्मापियराइभत्तियओ // 1034 // विद्दवट्ठाणच्चाइ निंदियवावारकरणनिव्वित्ती / लाहुच्चियवयकत्ता उन्भडवेसो न कइया वि // 1035 // सुस्सुसाइधीगुणजुत्तो जिणधम्ममसईसुणमाणो / काले भोयणरुइओ संतोसे दाणगुणजुत्तो // 1036 // साहियतिवग्गरयणो अण्णोण्णमबाहकालवत्थूहि / कयपडिवत्ती पवित्ती साहुतिहिदीणपमुहाणं . // 1037 // नयकुग्गहियचित्तो सुगुणो गुणपक्खवाय तत्तिल्लो / / तह देसकालचरियाइ चरमाणो बलाबलं जाणे // 1038 // णिच्चं सुदीहदंसी विसेसदक्खो कयन्नू सव्वत्थ / सडओ वुड्डजणाणं पूयाकङपेसपोसयउ . // 1039 // जणवल्लहो सल्लज्जो सोमो य परोवयारनिरओ य / मग्माणुसारिगुणगणसहिओ सहिओ कुडंबेहिं // 1040 // पच्चक्खाणे कुसलो अद्धाभिग्गहवयाइनियमे य / / दव्वाइचउक्केहिं देसे सव्वेगद्गजोगे // 1041 // दुविहे वि अइक्कमवइक्कमाइयाराहि तह वइयरेहिं / सुवियारजाणसुगुरुप्पवयणसवणरओ सुद्धसद्धाए // 1042 // 231
