________________ अरिहंतसिद्धचेइयसुए य धम्मे य साहुवग्गे य / आयरियउवज्झाया पवयणे दंसणे दसगं . . // 1019 // अरिहंता विहरंता चउक्कनिक्खेवयाइसंजुत्ता / सिद्धा कम्मविमुक्का चेइयपासायपडिमा वा // 1020 // सामाइयमाइसुयं धम्मो चारित्तधम्मपरिणामे / तस्साहारो साहूवग्गोत्त दुट्ठहणणट्ठा // 1021 // आयरिया तह वायग विसेंसगुणसंपयाइसयजुत्ता / पवयणसमओ संघो दंसणमिह मिच्छपडिकूलं // 1022 // . जइ वि हु सावज्जं हेऊहिं तह वि निरवज़्ज़मणणुबंधपरं / . न हु होइ तयटुं खलु पच्चक्खाणं सुसड्ढाणं // 1023 // सारंभं सावज्जाणुबंधयं सव्वहा ण कायव्वं / तप्पच्चइयं णेयं पच्चक्खाणं सुसड्डाणं , // 1024 // गिहिवावारपरम्मुह संच्चित्ता-बंभचाइणो जइ वि। तह वि हु पयदसयस्स य भत्तिपराणं निरणुबंधं // 1025 // कुलगणपभिइपएसु भयणा सागारमियर जयणाओ / कज्जाकज्जविसेसं लाहालाहं तहा नच्चा // 1026 // नामाइचउब्भेया सड्डा तह नामठवणओ सुगमा / इगवीसगुणसमेओ दव्वे समओ जिणमयस्स // 1027 / / संतो दंतो धीरो असढज्जु परहियत्थकारी य। अविहिच्चाई उदत्तो अवंचणो पावभीरू य // 1028 // सद्धालूओ वियन्नू पइण्णवाई अणिंदसुपरिक्खो। अत्तगुणम्मि सुलद्ध-लक्खो हु परमसमए // 1029 // मियभासी करणिक्को सज्जणसेवी विवेयसुपइण्णो / गुरुवयणे दढचित्तो जुग्गो पवयणसवणम्मि // 1030 // 230
