________________ 570 काव्यमाला। पात्राणां वर्णनं काव्ये रसस्रोतोऽधितिष्ठति // 132 // उद्यानसलिलक्रीडामधुपानरतोत्सवाः / .. विप्रलम्भा विवाहाश्च चेष्टाः काव्ये रसावहाः // 133 // मजदूतप्रयाणाजिनायकाभ्युदयादिभिः / पुष्टिः पुरुषकारस्य रसं काव्येषु वर्षति // 134 // नावर्णनं नगर्यादेर्दोषाय विदुषां मतम् / यदि शैलतुराव्यादेवर्णनेनैव तुष्यति // 135 // गुणतः प्रागुपन्यस्य नायकं तेन विद्विषाम् / निराकरणमित्येष मार्गः प्रकृतिसुन्दरः // 136 // वंशवीर्यश्रुतादीनि वर्णयित्वा रिपोरपि / तज्जयानायकोत्कर्षकथनं च धिनोति नः // 137 // अथैषां लक्षणोदाहरणानितंत्र, __ मनोनुकूलेष्वर्थेषु सुखसंवेदनं रतिः। असंप्रयोगविषया सैव प्रीतिनिगद्यते // 138 // तद्रूपेण रसस्य भावो यथा'हरस्तु किंचित्परिवृत्तधैर्यश्चन्द्रोदयारम्भ इवाम्बुराशिः / उमामुखे बिम्बफलाधरोष्ठे व्यापारयामास विलोचनानि // 1 // अत्र बिम्बोष्ठत्वादिभिर्मनोनुकूले पार्वतीमुखे विलोचनव्यापारानुमितो महेश्वरस्याभिलाषविशेषः सात्त्विकादेरनुत्पादात्सुखानुभवस्योत्प. तिमात्रमनुमापयति // 1. 'पात्राणां वर्णनात्काव्ये' क.ख. 2. 'पुष्यति' ख. 3. 'वंशवृत्तश्रुतादीनि' का ख. 4. 'तत्र' क.ख. नास्ति. 5. 'आसंप्रयोगविषया' क.ख. 6. 'परिलुप्तधैर्यः' ख, 7. 'सात्त्विको' क.ख. 8. 'रत्युत्पादात' क.
