________________ अनंगपविट्ठसुत्ताणि चेव अमावासंतेणं पविसमाणे चेव पुण्णिमासिंतेणं, एयाई खलु दुवे अट्ठगाई नाई चंदे केणइ असामण्णगाई सयमेव पविट्टित्ता 2 चारं चरइ, ता पढमायणगए चंदे दाहिणाए भागाए पविसमाणे सत्त अद्धमंडलाई जाइं चंदे दाहिणाए भागाए पविसमाणे चारं चरइ, कयराइं खलु ताई सत्त अद्धमंडलाई जाई चंदे दाहिणाए भागाए पविसमाणे चारं चरइ ! इमाई खलु ताई सत्त अद्धमंडलाइं जाई चंदे दाहिणाए भागाए पविसमाणे चारं चरइ, तंजहा-बिइए अद्धमंडले चउत्थे अद्धमंडले छठे अद्धमंडले अट्ठमे अद्धमंडले दसमे अद्धमंडले बारसमे अद्धमंडले चउदसमे अद्धमंडले, एयाइं खलु ताई सत्त अद्धमंडलाइं जाई चंदे दाहिणाए भागाए पधिसमाणे चारं चरइ, ता पढमायणगए चंदे, उत्तराए भागाए पविसमाणे छ अद्धमंडलाइं तेरस य सत्तट्ठिभागाइं अद्धमंडलस्स जाई चंदे उत्तराए भागाए पविसमाणे चारं चरइ, कयराइं खलु ताई छ अद्धमंडलाइं तेरसय सत्तट्ठिभागाइं अद्धमंडलस्स जाइं चंदे उत्तराए भागाए पविसमाणे चारं चरइ ? इमाइं खलु ताई छ अद्धमंडलाइं तेरस य सत्तट्ठिभागाइं अद्धमंडलस्स जाई चंदे उत्तराए भागाए पविसमाणे चारं चरइ,तंजहा-तइए अद्धमंडले पंचमे अद्धमंडले सत्तमे अद्धमंडले णवमे अद्धमंडले एक्कारसमे अद्धमंडले तेरसमे अद्धमंडले पण्णरसमस्स अद्धमंडलस्स तेरस सत्तट्ठिभागाई, एयाई खलु ताई छ अद्धमंडलाइं तेरस य सत्तट्ठिभागाइं अद्धमंडलस्स जाइं चंदे उत्तराए भागाए पविसमाणे चारं चरइ, एतावता य पढमे चंदायणे समत्ते भवइ, ता णक्खत्ते अद्धमासे णो चंदे अद्धमासे णो चंदे अद्धमासे णक्खत्ते अद्धमासे, ता णक्खत्ताओ अद्धमासाओ से चंदे चंदेणं अद्धमासेणं किमहियं चरइ ? ता एगं अद्धमंडलं चरइ चत्तारि य सट्ठिभागाइं अद्धमंडलस्स सत्तट्ठिभागं एगतीसाए छेत्ता णव भागाई, ता दोच्चायणगए चंदे पुरत्थिमाए भागाए णिक्खममाणे सचउप्पण्णाई जाइं चंदे परस्स चिण्णं पडिचरइ, सत्त तेरसगाई जाइं चंदे अप्पणो चिण्ण पडिचरइ, ता दोच्चायणगए चंदे पञ्चत्थिमाए भागाए णिक्खममाणे चउप्पण्णाई जाइं चंदे परस्स चिण्णं पडिचरइ, तेरसगछाइं० चंदे अप्पणो चिण्णं पडिचरइ, अवरगाइं खलु दुवे तेरसगाई जाइं चंदे केणइ असामण्णगाई सयमेव पविट्टित्ता 2 चारं चरइ, कयराइं खलु ताई दुवे तेरसगाई जाइं चंदे केणइ असामण्णगाई सयमेव पविट्टित्ता 2 चारं चरइ ? इमाई खलु ताई दुवे तेरसगाई जाई चंदे केणइ असामण्णगाइं सयमेव पविद्वित्ता 2 चारं चरइ तं०-सव्व
