________________ ओववाइयसुत्तं अणुत्तरविमाणाणं, अस्थि णं भंते ! ईसीपब्भाराए पुटवीए अहे सिद्धा परिवसंति ? णो इणठे समठे, से कहिँ खाइ णं भंते ! सिद्धा परिवसंति ? गोयमा ! इमीसे रयणप्पहाए पुढवीए बहुसमरमणिजाओ भूमिभागाओ उड्ढे चदिमसूरियग्गहगणणक्वत्तताराभवणाओ बहूई जोयणसयाइं बहूई जोयणसहस्साई बहूई जोयणसयसहस्साई बहूओ जोयणकोडीओ बहूओ जोयणकोडाकोडीओ उड्ढतरं उप्पइत्ता सोहम्मीसाणसणंकुमारमाहिंदबंभलंतगमहासुक्कसहस्सारआणयपाणयआरणच्छुय तिण्णि य अहारे गेविजविमाणावाससए वीइवइत्ता विजयवेजयंतजयंतअपराजियसव्वदृसिद्धस्स य महाविमाणस्स सव्वउवरिलाओ थूभियग्गाओ दुवालसजोयणाई अबाहाए एत्थ णं ईसीपब्भारा णाम पुढवी पण्णत्ता पणयालीसं जोयणसयसहस्साइं आयामविखंभेणं एगा जोयणकोडी बायालीसं सयसहस्साइं तीसं च सहस्साइं दोण्णि य अउणापण्णे जोयणसए किंचि विसेसाहिए परिरएणं, ईसिपब्भारा य णं पुढवीए बहुमज्झदेसभाए अट्ठजोयणिए खेत्ते अजोयणाई बाहलेणं, तयाऽणंतरं च णं मायाए 2 परिहायमाणी 2 सव्वेसु चरिमपेरंतेसु मच्छियपत्ताओ तणुयतरा अंगुलस्स असंखेजइभागं बाहलेणं पण्णत्ता / ईसीपब्भाराए णं पुढवीए दुवालस णामधेजा पण्णत्ता, तंजहा-ईसी इ वा ईसीपब्भारा इ वा तणू इ वा तणुतणू इ वा सिद्धी इ वा सिद्धालए इ वा मुत्ती इ वा मुत्तालए इ वा लोयन्गे इ वा लोयग्गथूभिया इ वा लोयग्गपडिबुज्झणा इ वा सव्वपाणभूयजीवसत्तसुहावहा इ वा / ईसीपब्भारा णं पुढवी सेया संखतलविमलसोलियमुणालदगरयतुसारगोक्खीरहारवण्णा उत्ताणयछत्तसंटाणसंठिया सव्वज्जुणसुवण्णयमई अच्छा सहा लण्हा घडा महा शीरया णिम्मला णिप्पंका णिकंकडच्छाया समरीचियासुप्पभा पासादीया दरिसणिजाअभिरूवा पडिरूवा,ईसीपब्भाराए णं पुढवीए सीयाए जोयणमि लोगंते, तस्स जोयणस्स जे से उवरिल्ले गाउए तरस णं गाउयस्स जे से उवरिल्ले छब्भागे तत्थ णं सिद्धा भगवंतो सादीया अपज्जवसिया अणेगजाइजरामरणजोणिवेयणसंसारकलकलीभावपुणब्भवगब्भवासवसहीपवंचसमइक्वेता सासयमणागयमद्ध चिळंति // 42 // गाहा-कहिं पडिहया सिद्धा ? कहिं सिद्धा पइट्ठिया ? कहिं बोदिं चइत्ता णं, कत्थ गंतूण सिज्झई ? // 1 // अलोगे पडिहया सिद्धा, * लोयग्गे य पइट्टिया / इह बोंदि चइत्ता णं, तत्थ गंतूण सिज्झई // 2 // जं संठाणं तु इहं भवं चयं तस्स चरिमसमयंमि / आसी य पएसघणं तं संठाणं तहिं तरस // 3 // दीहं वा, हस्सं वा, जं चरिमभवे हवेज संठाणं / तत्तो तिभागहीणं,
