________________ 240 ___अनंगपविट्ठसुत्ताणि तं चेव पमाणं णवरि सव्वफलिहामए अच्छे जाव पडिरूवे अट्ठो, गोयमा ! दगसीमंते णं आवासपव्वए सीयांसीयोयगाणं महाणईणं तत्थ गओ सोए पडिहम्मइ से तेणष्टेणं जाव णिच्चे, मणोसिलए एत्थ देव महिड्ढिए जाव से णं तत्थ चउण्हं सामाणिय० जाव विहरइ // कहि गं भंते ! मणोसिलगस्स वेलंधरणागरायस्स मणोसिला णाम रायहाणी पण्णत्ता ? गोयमा ! दगसीमस्स आवासपव्वयस्स उत्तरेणं तिरि० अण्णंमि लवणे एत्थ णं मणोसिलिया णाम रायहाणी पण्णत्ता तं चेव पमाणं जाव मणोसिलए देवे-कणगंकरययफालियमया य वेलंधराणमावासा / अणुवेलंधरराईण पव्वया होति रयणमया॥१॥१५९॥ कइणं भंते! अणुवेलंधरणागरायाणो पण्णत्ता? गोयमा ! चत्तारि अणुवेलंधरणागरायाओ पण्णत्ता, तंजहा-कक्कोडए कद्दमए केलासे अरुणप्पभे ! एएसि णं भंते ! चउहं अणुवेलंधरणागरायाणं कइ आवासपव्वया पण्णत्ता ? गोयमा ! चत्तारि आवासपव्वया पण्णत्ता, तंजहा-कक्कोडए 1 कद्दमए 2 कइलासे 3 अरुणप्पमे 4 // कहि णं भंते ! ककोडगस्स अणुवेलंधरणागरायस्स ककोडए णाम आवासपव्वए पण्णत्ते ? गोयमा ! जंबुद्दीवे 2 मंदरस्स पव्वयस्स उत्तरपुरच्छिमेणं लवणसमुदं बायालीसं जोयणसहस्साइं ओगाहित्ता एत्थ णं कक्कोडगस्स गागरायस्स कक्कोडए णाम आवासपव्वए पण्णत्ते सत्तरस एकवीसाइं जोयंणसयाइं तं चेव पमाणं जं गोथूभस्स णवरि सव्वरयणामए अच्छे जाव गिरवसेसं जाव सीहासणं सपरिवार अट्ठो से बहूई उप्पलाई० कक्कोडप्पभाई सेसं तं चेव णवरि कक्कोडगपव्वयस्स उत्तरपुरच्छिमेणं, एवं तं चेव सव्वं, कद्दमस्सवि सो चेव गमओ अपरिसेसिओ, णवरि दाहिणपुरच्छिमेणं आवासो विज्जुप्पभा रायहाणी दाहिणपुरस्थिमेणं, कइलासेवि एवं चेव, णवरि दाहिणपच्चत्थिमेणं कइलासावि रायहाणी ताए चेव दिसाए, अरुणप्पभेवि उत्तरपञ्चत्थिमेणं रायहाणीवि ताए चेव दिसाए, चत्तारि विगप्पमाणा सव्वरयणामया य // 160 // कहि णं भंते ! सुट्टियस्स लवणाहिवइस्स गोयमदीवे णामं दीवे पण्णत्ते ? गोयमा ! जंबुद्दीवे दीवे मंदरस्स पव्वयस्स पच्चत्थिमेणं लवणसमुदं बारसजोयणसहस्साइं ओगाहित्ता एत्थ णं सुट्टियस्स लवणाहिवइस्स गोयमदीवे. पण्णत्ते, बारसजोयणसहस्साइं आयामविक्खंभेणं सत्ततीसं जोयणसहस्साइं णव य अडयाले जोयणसए किंचिविसेसूणे परिक्खेवेणं जंबूदीवंतेणं अद्धेगूणणउए जोयणाई चत्तालीसं पंचणउइभागे जोयणस्स ऊसिए जलंताओ लवणसमुदंतेणं दो कोसे ऊसिए जलंताओ // से णं एगाए पउमवरवेइयाए एगेण य वणसंडेणं सव्वओ समंता तहेव
