________________ जीवाजीवाभिगमे प०३ 236 वेइयाए एगेण य वणसंडेणं सव्वओ समंता संपरिक्खित्ते, दोण्हवि वण्णओ // गोथूभस्स णं आवासपव्वयस्स उवरि बहुसमरमणिजे भूमिभागे पण्णत्ते जाव आसयंति० // तस्स गं बहुसमरमणिजस्स भूमिभागस्स बहुमज्झदेसभाए एत्थ णं एगे महं पासायव.सए बावटुं जोयणद्धं च उड्दं उच्चत्तेणं तं चेव पमाणं अद्ध आयामविक्खंभेणं वण्णओ जाव सीहासणं सपरिवारं // से केणट्टेणं भंते! एवं बुच्चइ-गोथूभे आवासपव्वए 2 ? गोयमा ! गोथूभे णं आवासपव्वए तत्थ 2 देसे 2 तहिं 2 बहूओ खुड्डाखुड्डियाओ जाव गोथूभवण्णाई बहूई उप्पलाइं तहेव जाव गोथूभे तत्थ देवे महिड्ढिए जाव पलिओवमट्टिइए परिवसइ, से णं तत्थ चउण्हं सामाणियसाहस्सीणं जाव गोथूभयस्स आवासपव्ययस्स गोथूभाए रायहाणीए जाव विहरइ, से तेणटेणं जाव णिच्चे // रायहाणि पुच्छा, गोयमा ! गोथूभस्स आवासपव्वयस्स पुरस्थिमेणं तिरियमसंखेजे दीवसमुद्दे वीइवइत्ता अण्णमि लवणसमुद्दे तं चेव पमाणं तहेव सव्वं / / कहि णं भंते ! सिवगस्स वेलंधरणागरायस्स दओभासणामे आवासपव्वए पण्णत्ते ? गोयमा ! जंबुद्दीवेणं दीवे मंदरस्स पव्वयस्स दक्खिणेणं लवणसमुदं बायालीसं जोयणसहस्साइं ओगाहित्ता एत्थ णंसिवगस्स वेलंधरणागरायस्स दोभासे णामं आवासपव्वए पण्णत्ते, तं चेव पमाणं जं गोथूभस्स, णवरि सव्वअंकामए अच्छे जाव पडिरूवे. जाव अट्ठो भाणियन्यो, गोयमा! दोभासे गंआवासपव्वए लवणसमुद्दे अट्ठजोयाणियखेत्ते दगं सव्वओ समंता ओभासेइ उज्जोवेइ तवइ पभासेइ सिवए इत्थ देवे महिड्ढिए जाव रायहाणी से दक्खिणेणं सिविगा दओभासस्स सेसं तं चेव // कहि गंभंते ! संखस्स वेलंधरणागरायस्स संखे णाम आचासपव्वए पण्णत्ते ? गोयमा ! जंबुद्दीवेणं दीवे मंदरस्स पव्वयस्स पचत्थिमेणं लवणसमुदं बायालीसं जोयणसहस्साइं ओगाहित्ता एत्थ णं संखस्स वेलंधर० संखे णामं आवासपव्वए प० तं चेव पमाणं णवरं सव्वरयणामए अच्छे जाव पडिरूवे। से णं एगाए पउमवरवेइयाए एगेण य वणसंडेणं जाव अट्ठो बहूओ खुड्डाखुड्डियाओ जाव बहूई उप्पलाई संखप्पभाई संखवण्णाई संखवण्णप्पभाई संखे एत्थ देवे महिड्ढिए जाव रायहाणीए पचत्थिमेणं संखस्स आवासपव्वयस्स संखा णाम रायहाणी तं चेव पमाणं // कहि णं भंते ! मणोसिलगस्स वेलंधरणागरायस्स उदगसीमाए णामं आवासपव्वए पण्णत्ते ? गोयमा ! जंबुद्दीवे 2 मंदरस्स प० उत्तरेणं लवणसमुदं बायालीसं जोयणसहस्साई ओगाहित्ता एत्थ णं मणोसिलगस्स वेलंधरणागरायस्स उदगसीमाए णामं आवासपव्वए पण्णत्ते
